Anupambharat News Bureau
ଚେନ୍ନାଇ: ତାମିଲନାଡୁ ଶ୍ରୀ ବିଲ୍ଲୀପୁତ୍ତୁର ବିଧାନସଭା ନିର୍ବାଚନ ମଣ୍ଡଳିରୁ ପ୍ରତିଦ୍ୱନ୍ଦୀତା କରୁଥିବା କଂଗ୍ରେସ ପ୍ରାର୍ଥୀ ପି.ଏସ୍.ଡବ୍ଲୁ. ମାଧବ ରାଓଙ୍କ ପରଲୋକ ହୋଇଛି । ସେ କୋଭିଡ-୧୯ରେ ଆକ୍ରାନ୍ତ ହୋଇଥିଲେ ।
ମାର୍ଚ୍ଚ ୨୦ ତାରିଖରେ ତାଙ୍କୁ ମଦୁରାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଉଥିଲା । ସେଠାରେ ଚିକିତ୍ସିତ ହେଉଥିବା ବେଳେ ରବିବାର ଶେଷ ନିଶ୍ୱାସ ତ୍ୟାଗ କରିଥିବା ତାଙ୍କ ଜ୍ୱାଇଁ କେ.ରାଜୀବ ସୂଚନା ଦେଇଛନ୍ତି । ତାମିଲନାଡୁ ବିଧାନସଭା ନିର୍ବାଚନ ଲାଗି ଗତ ଏପ୍ରିଲ ୬ ତାରିଖରେ ଭୋଟ ଗ୍ରହଣ ହୋଇଥିଲା । ମେ ୨ ତାରିଖରେ ଭୋଟ ଗଣନା ହେବ, ଯଦି ଏଥିରେ କଂଗ୍ରେସ ପ୍ରାର୍ଥୀ ବିଜୟୀ ହୁଅନ୍ତି ତେବେ ଏଠାରେ ଉପନିର୍ବାଚନ ହେବ । ରାଓଙ୍କ ପରଲୋକ ସୂଚନା ରାଜ୍ୟ କଂଗ୍ରେସରେ ଶୋକର ଛାୟା ଖେଳାଇ ଦେଇଛି ।
