Anupambharat News Bureau
ନୂଆଦିଲ୍ଲୀ,୨୬ା୭:କିଛି ଦିନର ସସ୍ପେନ୍ସ ପରେ ଆଜି କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍ ୟେଦୁରªା ଇସ୍ତଫା ଦେବା ଘଟଣା ଚର୍ଚ୍ଚାର ବିଷୟ ରହିଛି । ୟେଦୁରªାଙ୍କ ଚତୁର୍ଥ ପାଳିର ଦୁଇବର୍ଷ ପର୍ଯ୍ୟନ୍ତ ସ୍ଥିର ଭାବରେ ଶାସନ ଚାଲିବା ପରେ ଭାରତୀୟ ଜନତା ପାର୍ଟି (ବିଜେପି)ର ବୟସ ସୀମାକୁ ଆଧାର କରି ସେ ଇସ୍ତଫା ଦେଇଥିବା ଅନୁମାନ କରାଯାଉଛି । ବିଜେପିରେ ଏଭଳି ଗୁରୁତ୍ୱପୂର୍ଣ୍ଣ ପଦବୀରେ ୭୫ ବର୍ଷ ବୟସ ପର୍ଯ୍ୟନ୍ତ ହିଁ ରହିପାରିବେ ଏବଂ ଏହାଠାରୁ ଉର୍ଦ୍ଧ୍ୱ ହୋଇଥିଲେ ପଦପଦବୀରେ ଅନୁମତି ମିଳିବ ନାହିଁ ବୋଲି ଥିବା ନିୟମାବଳୀ ସମ୍ପର୍କରେ ୟେଦୁରªା ଅତି ଗୁରୁତ୍ୱ ମନେ କରିଥିବା ଆଶା କରାଯାଉଛି । ଏପରିକି ସେ ଇସ୍ତଫା ଦେବା ବେଳେ ଆଜି ଅତ୍ୟନ୍ତ ଭାବବିହ୍ୱଳତା ମଧ୍ୟରେ କାର୍ଯ୍ୟକାଳ ସମ୍ପର୍କରେ ପ୍ରକାଶ କରିଥିଲେ । ତେବେ ନୂତନ ନେତା ନିଯୁକ୍ତି ହେବା ପର୍ଯ୍ୟନ୍ତ ୟେଦୁରªା କେୟାର୍ ଟେକର ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିବେ ବୋଲି ନିଷ୍ପତ୍ତି ହୋଇଛି । ବିଧାନସଭା ପରିସରରେ ଆଜି ହୋଇଥିବା ଏକ କାର୍ଯ୍ୟକ୍ରମରେ ସେ ନିଜର ଉଦ୍ବୋଧନ ଦେଇଥିଲେ ଏବଂ ରାଜ୍ୟପାଳଙ୍କ ମଧ୍ୟାହ୍ନଭୋଜନ ପରେ ସାକ୍ଷାତ କରିବେ ବୋଲି ୭୮ ବର୍ଷ ବୟସ୍କ ୟେଦୁରªା ପ୍ରକାଶ କରିଥିଲେ । ଦଳିୟ ନେତାମାନଙ୍କୁ ଭାଷଣ ଦେବା ପରେ ସେ ତାହାଙ୍କ ଇସ୍ତଫା ପତ୍ର ପ୍ରଦାନ କରିବା ପାଇଁ ରାଜ୍ୟପାଳ ନିକଟକୁ ଯାଇଥିଲେ । ତେବେ ଆଗାମୀ ଦୁଇ ତିନି ଦିନ ମଧ୍ୟରେ ନୂତନ
ମୁଖ୍ୟମନ୍ତ୍ରୀ ସମ୍ପର୍କରେ ସ୍ପଷ୍ଟ ହେବ ବୋଲି ଆଶା କରାଯାଉଛି । ତେବେ ୭୫ ବର୍ଷ ବୟସ ପରେ ମଧ୍ୟ ମୁଖ୍ୟମନ୍ତ୍ରୀ ପଦରେ ରହିବା ପାଇଁ ସୁଯୋଗ ଦେଇଥିବା ଯୋଗୁଁ ୟେଦୁରªା ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହ ଏବଂ ରାଷ୍ଟ୍ରୀୟ ସଭାପତି ଜେପି ନଡ଼ାଙ୍କୁ କୃତଜ୍ଞତା ଜଣାଇଥିଲେ । କୌଣସି ଚାପର ବଶବର୍ତ୍ତି ହୋଇ ସେ ଏଭଳି କରି ନଥିବା ନିଜ ପ୍ରତିକ୍ରିୟାରେ ସ୍ପଷ୍ଟ କରିଥିଲେ ।
