Anupambharat News Bureau
ଚଣ୍ଡିଗଡ଼, ୨୦ା୯: ଚରଣଜିତ ସିଂ ଚନ୍ନି ପଞ୍ଜାବର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ରାଜ୍ୟପାଳ ବନୱାରୀ ଲାଲ ପୁରୋହିତ ତାଙ୍କୁ ଶପଥ ପାଠ କରାଇଥିଲେ । ଚନ୍ନି ପଞ୍ଜବୀରେ ଶପଥ ନେଇଥିଲେ । ଏହା ପରେ ରାଜ୍ୟପାଳ ସୁଖଜିନ୍ଦର ସିଂ ରନ୍ଧୱା ଏବଂ ଓପି ସୋନିଙ୍କୁ ମନ୍ତ୍ରୀ ଭାବରେ ଶପଥ ପାଠ କରାଇଥିଲେ । ଉଭୟ ଉପମୁଖ୍ୟମନ୍ତ୍ରୀ ହେବେ ବୋଲି ଆଶା କରାଯାଉଛି ।ଶପଥ ଗ୍ରହଣ ସମାରୋହ ପରେ ମୁଖ୍ୟମନ୍ତ୍ରୀ ଚନ୍ନି ରାଜ୍ୟପାଳଙ୍କୁ ଏକ ପୁଷ୍ପଗୁଚ୍ଛ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଯୋଗ ଦେଇ ଆଶୀର୍ବାଦ ଗ୍ରହଣ କରିଥିବା କଂଗ୍ରେସ ନେତା ରାହୁଲ ଗାନ୍ଧୀଙ୍କ ଆଗରେ ପ୍ରଣାମ କରିଥିଲେ । ଏହି କାର୍ଯ୍ୟକ୍ରମରେ ରାହୁଲଗାନ୍ଧୀ, ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଧୁ, ରାଜ୍ୟସଭା ସଦସ୍ୟ ପ୍ରତାପ ସିଂ ବାଜୱା, ହରିଶ ରାୱତ ଏବଂ ଅନ୍ୟ ନେତାମାନେ ଯୋଗ ଦେଇଥିଲେ । ତେବେ ନୂଆ ମୁଖ୍ୟମନ୍ତ୍ରୀ ଚନ୍ନିଙ୍କୁ ମହିଳା କମିଶନ ପକ୍ଷରୁ ବିରୋଧ କରାଯାଇଛି । ଏପରିକି ସେ ଏହି ପବଦୀରେ ରହିବା ଉଚିତ ନୁହେଁ ବୋଲି କମିଶନ ଉଲ୍ଳେଖ କରିଛି । ପ୍ରକାଶଥାଉକି ୨୦୧୮ରେ ଚନ୍ନି ଜନୈକା ମହିଳା ଆଇଏଏସ୍ ଅଧିକାରୀଙ୍କୁ କୁଆଡ଼େ ଅଶ୍ଳୀଳ ବାର୍ତ୍ତା ପଠାଇଥିଲେ । ତେବେ ପରବର୍ତ୍ତୀ ସମୟରେ ଏହାକୁ ସରକାର ରଫାଦଫା କରିଥିବା କୁହାଯାଇଛି । ତେବେ ତିନି ବର୍ଷ ପରେ ପୁଣି ଏହି ପ୍ରସଙ୍ଗ ମୁଣ୍ଡ ଟେକୁଥିବାରୁ ଚନ୍ନିଙ୍କ ପାଇଁ ଆଗାମୀ ଦିନରେ ଅଡୁଆ ପରିସ୍ଥିତି ସୃଷ୍ଟି ହୋଇ ପାରେ ବୋଲି କୁହାଯାଇଛି ।
