Anupambharat News Bureau
ଭୁବନେଶ୍ୱର, ୨୭ା୮ (ଅନୁପମ ମିଡିଆ): ରାଜ୍ୟରେ ବିଭିନ୍ନ ଅଂଚଳରେ ପ୍ରବଳ ବର୍ଷା କାରଣରୁ ବ୍ରାହ୍ମଣୀ, ବୈତରଣୀ ଓ ସୁବର୍ଣରେଖା ନଦୀରେ ମଧ୍ୟମ ଧରଣର ବନ୍ୟା ହେବ ବୋଲି ଆଶା କରାଯାଉଛି । ତେଣୁ ଏ ନେଇ ପ୍ରସ୍ତୁତ ରହିବାକୁ ଜିଲ୍ଲାପାଳ ମାନଙ୍କୁ ନିର୍ଦେଶ ଦିଆ ଯାଇଛି ବୋଲି କହିଛନ୍ତି ଏସଆରସି ପ୍ରଦୀପ ଜେନା । ଜେନା କହିଛନ୍ତି ଯେ ଗତ ୨୪ ଘଣ୍ଟାରେ ସାରା ରାଜ୍ୟରେ ହାରାହାରି ୫୫.୮ ମିମି ବର୍ଷା ରେକର୍ଡ କରା ଯାଇଛି । ସେ କହିଛନ୍ତି ଯେ ଛଅଟି ଜିଲ୍ଲାରେ ଶହେ ମିଲିମିଟରରୁ ଅଧିକ ବର୍ଷା ରେକର୍ଡ କରା ଯାଇଛି । ଝାରସୁଗୁଡା ଜିଲ୍ଲାରେ ହାରାହାରି ୧୭୭ ମିମି ବର୍ଷା ହୋଇଥିବା ବେଳେ ଦେବଗଡ ଜିଲ୍ଲାରେ ହାରାହାରି ୧୨୮.୫ ମିଲିମିଟର, ସମ୍ବଲପୁର୧୧୬.୭ ମିଲିମିଟର, ବୌଦ୍ଧ ୧୧୪ ମିଲିମି , ଅନୁଗୁଳ ୧୦୭ ମିଲିମିଟର ବର୍ଷା ରେକର୍ଡ କରା ଯାଇଛି । ସେହିପରି ୯ ଟି ଜିଲ୍ଲାରେ ୫୦ ମିଲିମିଟର ବର୍ଷା ରେକର୍ଡ କରା ଯାଇଛି । ଏଗୁଡିକ ହେଲା କନ୍ଧମାଳ, କେନ୍ଦୁଝର ସୁବର୍ଣପୁର, କଳାହାଣ୍ଡି, ମୟୁରଭଂଜ, ବରଗଡ. ବଲାଙ୍ଗୀର, ନୂଆପଡା, ଢେଙ୍କାନାଳ । ବ୍ଲକ ହିସାବରେ ଦେଖିବାକୁ ଗଲେ ସବୁଠାରୁ ଅଧିକ ବର୍ଷା କେନ୍ଦୁଝର ଜିଲ୍ଲାର ତେଲକୋଇ ବ୍ଲକ ଠାରେ ହୋଇଛି । ଏଠାରେ ୨୧୫ ମିଲିମିଟର ବର୍ଷା ରେକର୍ଡ କରା ଯାଇଛି ।
