Anupambharat News Bureau
କରୋନା ସଂକ୍ରମଣକୁ ଆଖି ଆଗରେ ରଖି ମହାରାଷ୍ଟ୍ରରେ ପୁଣି ଲକଡାଉନ୍ ଲାଗୁ କରିଛି ପ୍ରଶାସନ । ରାଜ୍ୟର ଅମରାବତୀ ଓ ଯବତମାଳରେ ଲକଡାଉନ୍ ନିୟମ ଲାଗୁ କରାଯାଇଛି । ଅମରାବତୀରେ ଆସନ୍ତାକାଲି ରାତି ୮ଟାରୁ ଲକଡାଉନ୍ ଲାଗୁ ହେବ । ସେହିପରି ଯବତମାଳରେ ଫେବୃଆରୀ ୨୮ ତାରିଖ ଯାଏଁ ଲକଡାଉନ୍ ଜାରି ରହିବ ବୋଲି ଘୋଷଣା କରାଯାଇଛି । ଏହି ସମୟରେ ସ୍କୁଲ, କଲେଜ ବନ୍ଦ ରହିବ ବୋଲି ଘୋଷଣା କରାଯାଇଛି । ଏହା ସହ ଅଧା ଲୋକଙ୍କୁ ନେଇ ବିବାହ ହେବ ଏବଂ ରେସ୍ତୋରାଁ ଖୋଲିବ । ଗୋଟିଏ ସ୍ଥାନରେ ୫ ଜଣରୁ ଅଧିକ ଲୋକଙ୍କୁ ଏକାଠି ନହେବାକୁ କଡ଼ା ନିର୍ଦ୍ଦେଶ ଦିଆଯାଇଛି । ପୂର୍ବରୁ ମହାରାଷ୍ଟ୍ରରେ କରୋନା ସ୍ଥତି ଅତ୍ୟନ୍ତ ଭୟଙ୍କର ଥିଲା । ମୃତୁ୍ୟହାର ବା ସଂକ୍ରମଣ କ୍ଷେତ୍ରରେ ମହାରାଷ୍ଟ୍ରରେ ହିଁ ଅଧିକ ପରିମାଣର ପ୍ରଭାବିତଙ୍କ ରେକର୍ଡ ରହିଥିଲା ।
