Anupambharat News Bureau
ନୂଆଦିଲ୍ଲୀ,୧୫ା୩: ବହୁ ଚର୍ଚ୍ଚିତ ବଟଲା ହାଉସ ଏନକାଉଣ୍ଟର ମାମଲାରେ ଦୋଷୀ ସାବ୍ୟସ୍ତ ଅରିଜ ଖାନଙ୍କୁ ଦିଲ୍ଲୀର ସାକେତ କୋର୍ଟ ଆଜି ଫାଶୀ ଦଣ୍ଡରେ ଦଣ୍ଡିତ କରିଛି ।
ଗତ ୮ତାରିଖରେ ଅଭିଯୁକ୍ତ ଖାନଙ୍କୁ କୋର୍ଟ ଦୋଷୀ ସାବ୍ୟସ୍ତ କରିଥିବା ବେଳେ ଆଜି ଦଣ୍ଡ ଘୋଷଣା କରିଛି । ପ୍ରକାଶଥାଉକି ୨୦୦୮ରେ ଦିଲ୍ଲୀରେ ବାଟଲା ହାଉସରେ ହୋଇଥିବା ଏନକାଉଣ୍ଟର ପରେ ଅରିଜ ଖାନ ଘଟଣାସ୍ଥଳରୁ ଫେରାର ହୋଇଯାଇଥିଲା । ପରବର୍ତ୍ତୀ ସମୟରେ ୨୦୧୮ରେ ନେପାଳରୁ ତାକୁ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଗିରଫ କରିଥିଲା । ୨୦୦୮ରେ ହୋଇଥିବା ଏନକାଉଣ୍ଟର ସମୟରେ ଇନସ୍ପେକଫର ମୋହନ ଚାନ୍ଦ ଶର୍ମାଙ୍କର ମୃତୁ୍ୟ ହୋଇଥିଲା । ଜାମିଆ ନଗରରେ ହୋଇଥିବା ଏନକାଉଣ୍ଟର ସମୟରେ ଅରିଜ ଖାନ ଅନ୍ୟ ଚାରିଜଣଙ୍କ ସହ ବାଟଲା ହାଉସରେ ଉପସ୍ଥିତ ଥିବା ଦିଲ୍ଲୀ ପୋଲିସ ଦାବି କରିଥିଲା । ହେଲେ ଏନକାଉଣ୍ଟର ସମୟରେ ଅରିଜ ଖାନ ସେଠାରୁ ଖସି ପଳାଇବାରେ ସକ୍ଷମ ହୋଇଥିଲା । ପରେ ତାକୁ ଗିରଫ କରିବା ପାଇଁ ଏନଆଇଏ ୧୦ଲକ୍ଷ ଟଙ୍କା ଏବଂ ଦିଲ୍ଲୀ ପୋଲିସ ପକ୍ଷରୁ ୫ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା । ତେବେ ଦିଲ୍ଲୀ ପୋଲିସ ଘଟଣାର ୧୦ ବର୍ଷ ପରେ ଅଭିଯୁକ୍ତ ଅରିଜ ଖାନଙ୍କୁ ଗିରଫ କରିଥିଲା । ମାମଲାର ତଦନ୍ତ କରୁଥିବା ଏନ୍ଆଇଏ ଅଭିଯୁକ୍ତ ବିରୋଧରେ ଉଚିତ ପ୍ରମାଣ ସହ ଅଭିଯୋଗ ଫର୍ଦ୍ଦ ଦାଖଲ କରିଥିଲା । ଦୀର୍ଘ ବର୍ଷ ଧରି ଏହି ମାମଲାର ଶୁଣାଣି ପରେ ଆଜି ସାକେତ କୋର୍ଟ ଦୋଷୀ ବିରୋଧରେ ଉପରୋକ୍ତ ଦଣ୍ଡ ଘୋଷଣା କରିଛି ।
