Anupambharat News Bureau
କୋଲକାତା: ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ଜମିଛି ପ୍ରଚାର । ଦିଦି ଗଡରେ ନିଜର ଜିତାପଟ ନେଇ ଦମ୍ଭୋକ୍ତି ଦେଖାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କାନ୍ଥିରେ ହାଇଟେକ୍ ପ୍ରଚାର ସମୟରେ ସଭାରେ ବଙ୍ଗବାସୀଙ୍କୁ ସମ୍େୱାଧନ କରିଛନ୍ତି ପ୍ରଧାନମନ୍ତ୍ରୀ । ଏହାସହ ନିର୍ବାଚନୀ ସଭାରେ ସେ ମମତାଙ୍କ ଉପରେ ଖୁବ ବର୍ଷିଛନ୍ତି । ସେ କହିଛନ୍ତି ଦିଦି କେନ୍ଦ୍ରର ସବୁ ଅନୁଦାନ କୁଆଡେ ଗଲା ? ଅମ୍ପାନ କ୍ଷତିପୂରଣ ବାବଦକୁ ମିଳିଥିବା ଟଙ୍କା କିଏ ନେଲା ? ବଙ୍ଗବାସୀ ଏଥିରୁ ସ୍ପଷ୍ଟ ବୁଝିପାରଥିବେ ପ୍ରକୃତରେ ଖେଲ୍ ହେଉଛି । ଶାନ୍ତିର ବାର୍ତ୍ତା ଦେଉଥିବା ମମତା ଦିଦିଙ୍କ ରାଜ୍ୟ ଏବେ ଅଶାନ୍ତ ହେବାରେ ଲାଗିଛି । ଏମିତିକି ଲୋକଙ୍କ ଘର ଉଜୁଡିବାରେ ବି ଲାଗିଛି । ହେଲେ ଦିଦି ସାହାଯ୍ୟ ତ ଦୂରର କଥା ସାମ୍ନାକୁ ବି ଆସୁନାହାଁନ୍ତି । ବହୁତ ହୋଇଗଲା ଏପରି ସ୍ଥିତିକୁ ପରିବର୍ତ୍ତନ କରିବେ ବିଜେପି, ବଙ୍ଗକୁ ଶାନ୍ତି ଓ ସ୍ଥିରତା ଦରକାର । ଯେଉଁ ରାଜ୍ୟ ପୂରା ଦେଶକୁ ବନ୍ଦେ ମାତରମ ସହ ଯୋଡି ରଖିଥିଲା ସେ ରାଜ୍ୟର ମୁଖ୍ୟମନ୍ତ୍ରୀ ଲୋକଙ୍କୁ ପର ନଜରରେ ଦେଖୁଛନ୍ତି । ଏଥର ଲୋକେ ବିଜେପିକୁ ଭୋଟ୍ ଦେବେ । ନିଶ୍ଚୟ ଲୋକ ଡବଲ ଇଞ୍ଜିନକୁ ସମର୍ଥନ କରିବେ । ଏଠାରେ ବିଜେପି ସରକାର ଗଢିଲେ ଚାଷୀ ଭାଇଙ୍କୁ ସମ୍ମାନ ନିଧିର ବକେୟା ରାଶି ସବୁ ଦିଆଯିବ ବୋଲି ମୋଦି କହିଛନ୍ତି । ମେ ୨ ପରେ ବଙ୍ଗର ବିକାଶରେ ଛିଡା ହେଉଥିବା ପାଚେରୀ ଭାଙ୍ଗିଯିବ । ଲୋକଙ୍କ ଆଗରେ ସବୁ କିଛି ସ୍ପଷ୍ଟ ହୋଇଯିବ । ପଶ୍ଚିମବଙ୍ଗରେ ଏକ ନିର୍ବାଚନୀ ରାଲି ସମୟରେ ଏକ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଛି । ମଞ୍ଚରେ ଉପସ୍ଥିତ ଥିବା ଜଣେ ବିଜେପି କାର୍ଯ୍ୟକର୍ତ୍ତା ପ୍ରଧାନମନ୍ତ୍ରୀ ମୋଦିଙ୍କ ପାଦ ଛୁଇଁ ପ୍ରଣାମ କରିଥିଲେ । ବଦଳରେ ସେ ବି ତାଙ୍କ ପାଦ ଛୁଇଁଥିଲେଛ ବିଜେପି ନିଜ ଟୁଇଟର ଆକାଉଣ୍ଟରେ ଏହି ଭିଡିଓ ସେୟାର କରିଛି ଓ ଏହାକୁ ସଂସ୍କାର ବୋଲି କହିଛି । ବିଜେପି ଟୁଇଟ୍୍ କରି ଲେଖିଛି, ବିଜେପି ଏମିତି ଏକ ସୁସଂସ୍କୃତ ସଂଗଠନ ଯେଉଁଠାରେ କାର୍ଯ୍ୟକର୍ତ୍ତା ପରସ୍ପର ପ୍ରତି ସମାନ ସଂସ୍କାର ଭାବ ରଖନ୍ତି । ବୁଧବାର ଦିନ ମୋଦି ବଙ୍ଗଳାର କାନ୍ଥିରେ ଏକ ନିର୍ବାଚନ ରାଲିକୁ ସମ୍ବୋଧିତ କରିଛନ୍ତି । ସମସ୍ତ ସ୍ଥାନୀୟ ନେତାଙ୍କ ସହ ମୋଦି ମଞ୍ଚ ଉପରେ ବସିଥିଲେ । ମଞ୍ଚରେ ଉପସ୍ଥିତ ଜଣେ ନେତା ଆଗକୁ ଆସି ମୋଦିଙ୍କ ପାଦ ଛୁଇଁଥିଲେ । ଏହାପରେ ମୋଦି ମଧ୍ୟ ତାଙ୍କ ପାଦ ଛୁଇଁ ଅଭିବାଦନ କରିଥିଲେ । ତେବେ ପଶ୍ଚିମବଙ୍ଗ ନିର୍ବାଚନ ଉପରେ ସାରା ଦେଶର ନଜର ରହିଥିବା ଜଣାପଡ଼ିଛି ।
