Anupambharat News Bureau
ବ୍ରହ୍ମପୁର,୨୧ା୫ (ଅନୁପମ ମିଡ଼ିଆ) : ବ୍ରହ୍ମପୁରରେ ବର୍ତ୍ତମାନ ମାଙ୍କଡ ଉପଦ୍ରବ ବୃଦ୍ଧି ପାଇବାରେ ଲାଗିଛି ।
ଗତ କିଛିିଦିନ ଧରି ପୁରୁଣା ବ୍ରହ୍ମପୁର ଅଞ୍ଚଳରେ ଏକ ହନୁମାଙ୍କଡ ବହୁ ସାହି ବାସୀନ୍ଦାଙ୍କୁ କାମୁଡି ଆହତ କରିଛି । ଉପରମେଣ୍ଟ ଛକ, ପାଣ୍ଡବ ନଗର, ମାର୍ଥାପେଟାସାହି, ରାଧାକୃଷ୍ଣ ସାହି, ତୋଟାସାହି, ଗଣେଶ ନଗର, ଲକ୍ଷ୍ମୀନୃସିଂହ ସାହି, ପ୍ରହଲ୍ଲାଦନଗର ଓ ଏହାର ଆଖାପାଖ ଅଞ୍ଚଳରେ ଆତଙ୍କ ଦେଖାଯାଇଥିଲା । ମାଙ୍କଡ ଆକ୍ରମଣରେ ଗୁରୁତର ବ୍ୟକ୍ତିମାନଙ୍କୁ ବଡ ଡାକ୍ତରଖାନାରେ ଚିକିତ୍ସା କରାଯାଇଥିଲା । ମାଙ୍କଡ କାମୁଡାର ଆତଙ୍କ ପରେ ବନ ବିଭାଗ ପକ୍ଷରୁ ବହୁ କର୍ମଚାରୀ ହାତରେ ଜାଲ ଧରି ମାଙ୍କଡକୁ ଧରିବାପାଇଁ ଚେଷ୍ଟା କରିଥିଲେ ମଧ୍ୟ ଏହା ସମ୍ପୁର୍ଣ୍ଣ ବିଫଳ ହୋଇଛି । ତୁରନ୍ତ ମାଙ୍କଡକୁ କାବୁ କରିବାପାଇଁ ଅଞ୍ଚଳବାସୀ ଦାବି କରିଛନ୍ତି ।
