Anupambharat News Bureau
ନୁ୍ୟୟର୍କ,୧୨ା୮:ବୁକର ପୁରସ୍କାର ଜିତିଥିବା ବିବାଦୀୟ ଲେଖକ ସଲମାନ୍ ରସିଦଙ୍କୁ ନୁ୍ୟୟର୍କରେ ଜଣେ ଦୁର୍ବୃତ୍ତ ଛୁରା ମାଡ଼ କରିିଛି । ନୁ୍ୟୟର୍କର ଏକ କାର୍ଯ୍ୟକ୍ରମରେ ରସିଦ ଲେକଚର ଦେଉଥିବା ବେଳେ ମଞ୍ଚ ଉପରେ ତାଙ୍କୁ ଛୁରାମାଡ଼ ହୋଇଥିଲା । ହଠାତ ମଞ୍ଚ ଉପରକୁ ଜଣେ ଦୁର୍ବୃତ୍ତ ଝଡ଼ ବେଗରେ ଆସି କେହି କିଛି ବୁଝିବା ଆଗରୁ ରସିଦଙ୍କୁ ଆକ୍ରମଣ କରିଥିଲ । ଏହା ପରେ ଲେଖକ ଜଣକ ତଳେ ପଡ଼ିଯାଇଥିଲେ । ତୁରନ୍ତ ତାଙ୍କୁ ନିକଟସ୍ଥ ମେଡିକାଲକୁ ନିଆଯାଇଛି । ଘଟଣା ପରେ ସେଠାରେ ଉପସ୍ଥିତ ଲୋକେ ଆକ୍ରମଣକାରୀକୁ କାବୁ କରି ପୋଲିସ ହେପାଜତରେ ଦେଇଥିଲେ । ଆକ୍ରମାଣକାରୀଙ୍କୁ ଅଟକ ରଖାଯାଛି । ରସିଦଙ୍କ ବହି ‘ଦି ସାଟାନିକ ଭର୍ସେସ’ ପାଇଁ ୧୯୮୦ରେ ତାଙ୍କୁ ହତ୍ୟା ଧମକ ଦିଆଯାଇଥିଲା । ଇସଲାମ ବିରୋଧୀ ଦର୍ଶାଇ ଏହି ବହିକୁ ୧୯୮୮ରୁ ଇରାନରେ ନିଷଦ୍ଧ କରାଯାଇଛି । ୧୯୮୯ରେ ଇରାନର ସର୍ବୋଚ୍ଚ ଧାର୍ମିକ ନେତା ଆୟାତୋଲ୍ଲା ଖୋମିନି ରସିଦଙ୍କ ହତ୍ୟା ପାଇଁ ଫତୱା ଜାରି କରିଥିଲେ । ୨୦୧୨ରେ ଇରାନର ଏକ ଧାର୍ମିକ ସଂସ୍ଥା ରସିଦଙ୍କୁ ଯିଏ ହତ୍ୟା କରିବ ତାଙ୍କୁ ୨.୮ ନିୟୁତ ଡଲାର ଦିଆଯିବ ବୋଲି ଘୋଷଣା କରିଥିଲା । ପରେ ଏହି ପୁରସ୍କାର ରାଶିକୁ ୩.୩ ନିୟୁତ ଡଲାରକୁ ବୃଦ୍ଧି କରାଯାଇଥିଲା । ମୂଳ ଭାରତୀୟ ରସିଦ ଜଣେ ବ୍ରିଟେନ୍ ନାଗରିକ । ଦୀର୍ଘ ୨୦ ବର୍ଷ ହେଲା ରସିଦ୍ ଆମେରିକାରେ ରହି ଆସୁୁଛନ୍ତି । ଆକ୍ରମଣର କାରଣ ଜଣାପଡ଼ି ନଥିବା ବେଳେ ପୋଲିସ ଏନେଇ ତଦନ୍ତ ଆରମ୍ଭ କରିଛି ।
