Anupambharat News Bureau
ଭୁବନେଶ୍ୱର,୨ ।୬ (ଅନୁପମ ମିଡିଆ): ବିଜେଡ଼ିର ନବ ନିର୍ବାଚିତ ସାଂସଦଙ୍କ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ଦାୟିତ୍ୱ ବଣ୍ଟନ କରିଛନ୍ତି ।
ସାଂସଦ ଭର୍ତ୍ତୃହରି ମହତାବଙ୍କୁ ଷ୍ଟାଣ୍ଡିଂ କମିଟିର ଅଧ୍ୟକ୍ଷ (ଯାହା ବିଜୁ ଜନତା ଦଳକୁ ଆବଟଂନ କରାଯିବ) ଭାବେ ମନୋନୀତ କରିଛନ୍ତି । ସେହିପରି ଲୋକସଭାରେ ବିଜୁ ଜନତା ଦଳର ସଂସଦୀୟ ଦଳ ନେତା ଭାବେ ପୁରୀ ସାଂସଦ ପିନାକୀ ମିଶ୍ରଙ୍କୁ ମନୋନୀତ କରିଥିବା ବେଳେ କନ୍ଧମାଳ ସାଂସଦ ଡକଫର ଅଚୁ୍ୟତାନନ୍ଦ ସାମନ୍ତଙ୍କୁ ମୁଖ୍ୟ ସଚେତକ ଓ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କୁ ଉପମୁଖ୍ୟ ସଚେତକ ଭାବେ ମନୋନୀତ କରିଛନ୍ତି । ଏନେଇ ବିଜୁ ଜନତା ଦଳର ରାଜ୍ୟ ସାଧାରଣ ସଂପାଦକ ବିଜୟ ନାୟକ ଏକ ପ୍ରେସ୍ ଇସ୍ତାହାରରେ ଜଣାଇଛନ୍ତି । ସୂଚନା ଯୋଗ୍ୟ ଯେ, ଚଳିତ ଥର ବିଜେଡ଼ିର ୧୨ ଜଣ ସାଂସଦ ନିର୍ବାଚିତ ହୋଇଛନ୍ତି । ଗତ ଥର ଦଳର ୨୦ ସାଂସଦ ରହିଥିଲେ ।
