Anupambharat News Bureau
କଟକ, ୨୨ା୭(ଅନୁପମମିଡ଼ିଆ): ସାରଥୀ ବାବା ଓରଫ ସନ୍ତୋଷ ରାଉଳଙ୍କୁ ସୋମବାର ହାଇକୋର୍ଟରୁ ସର୍ତ୍ତମୂଳକ ଜାମିନ ପ୍ରଦାନ କରାଯାଇଛି । ୨ ଲକ୍ଷ ଟଙ୍କାର ଦୁଇ ଜାମିନଦାରଙ୍କ ବଦଳରେ ଜାମିନରେ ଯାଇପାରିବାକୁ ବିଚାରପତି ସଙ୍ଗମ କୁମାର ସାହୁ ନିର୍ଦ୍ଦେଶ ଦେବା ସହ ସାକ୍ଷୀମାନଙ୍କୁ ପ୍ରଭାବିତ ନ କରିବା, ତଦନ୍ତ ପ୍ରକ୍ରିୟାରେ ସହଯୋଗ କରିବାକୁ ସର୍ତ୍ତାରୋପ କରିଛନ୍ତିି । ଏଥିସହ ନିମ୍ନ ଅଦାଲତ ଜାମିନ ପାଇଁ ଅତିରିକ୍ତ ସର୍ତ୍ତାରୋପ କରିପାରିବେ ବୋଲି ଆଦେଶରେ ସ୍ପଷ୍ଟ କରିଛନ୍ତି । ଆଜିର ଜାମିନ ପରେ ସାରଥୀ ଜେଲରୁ ବାହାରିବା ସ୍ପଷ୍ଟ ହୋଇଯାଇଛି । ତାଙ୍କ ବିରୋଧରେ ରୁଜୁ ହୋଇଥିବା ୩ଟି ମାମଲା ମଧ୍ୟରୁ ପୂର୍ବରୁ ତାଙ୍କୁ ଓଡ଼ିଶା ହାଇକୋର୍ଟରୁ ୨ଟି ମାମଲାରେ ଜାମିନ ମିଳିସାରିଥିଲା । ସୂଚନାଯୋଗ୍ୟ ଯେ, ୨୦୧୫ ଅଗଷ୍ଟ ୮ ତାରିଖରେ ସାରଥିଙ୍କ କେନ୍ଦ୍ରାପଡାସ୍ଥିତ ବାରିମୂଳ ଆଶ୍ରମରେ ଜଣେ ମହିଳା ଓ ତାଙ୍କ କନ୍ୟାକୁ ଯୈðାନ ଶୋଷଣ ଓ ଠକେଇ ଅଭିଯୋଗରେ କ୍ରାଇମବ୍ରାଞ୍ଚ ଗିରଫ କରିଥିଲା । କ୍ରାଇମବ୍ରାଞ୍ଚ ପକ୍ଷରୁ ତାଙ୍କ ବିରୋଧରେ ଠକେଇ, ଜାଲିଆତି, ଅପରାଧିକ କାର୍ଯ୍ୟକଳାପ ଓ ଆଟ୍ରୋସିଟି ଆକଫରେ ମାମଲା ରୁଜୁ କରାଯାଇଥିଲା ।
