Anupambharat News Bureau
ଥାନେ: ମହାରାଷ୍ଟ୍ରରେ ବିଧାନସଭା ନିର୍ବାଚନ ଏକାଠି ଲିବାକୁ ମେଣ୍ଟ କରିଥିବା ଶିବସେନା ଓ ବିଜେପିକୁ ଆଜି ବଡ଼ ଝଟକା ଲାଗିଛି । ମେଣ୍ଟ ବୁଝାମଣା ଅନୁଯାୟୀ, କଲ୍ୟାଣ ପୂର୍ବ ନିର୍ବାଚନ ମଣ୍ଡଳୀରେ ବିଜେପି ପ୍ରାର୍ଥୀ ଦେଇଥିବାରୁ ଏହାକୁ ଶିବସେନାର କର୍ମୀମାନେ ବିରୋଧ କରିଛନ୍ତି ।
ଆଜି ଏଥିପାଇଁ କଲ୍ୟାଣ ପୂର୍ବର ୨୫ ଜଣ ଶିବସେନା କର୍ପୋରେଟର ଓ ୩୦୦ କର୍ମୀ ଏକାଠି ଦଳର ମୁଖ୍ୟ ଉଦ୍ଧବ ଠାକରେଙ୍କ ନିକଟକୁ ସେମାନଙ୍କର ଇସ୍ତଫାପତ୍ର ପଠାଇଛନ୍ତି । ଇସ୍ତଫା ଦେଇଥିବା କର୍ପୋରେଟରଙ୍କ ମଧ୍ୟରୁ ୧୬ ଜଣ କେଡିଏମସିର ହୋଇଥିବା ବେଳେ ଅନ୍ୟ ୧୦ ଜଣ ଉଲ୍ଲାସ ନଗର ମୁ୍ୟନସିପାଲଟି କର୍ପୋରେସନର କର୍ପୋରେଟର ବୋଲି ଜଣାପଡ଼ିଛି ।
ଇସ୍ତଫା ଦେଇଥିବା ଶିବସେନାର ନେତାମାନେ କହିଛନ୍ତି, ଏହି ଆସନରେ ଶିବସେନାର ଧନଞ୍ଜୟ ଭୋଦାରେ ପ୍ରାର୍ଥୀ ହେବାର ଥିଲା । ଏକଥା ସମସ୍ତେ ଭଲ ଭାବେ ଜାଣିଥିଲେ । କି;ୁ ଏବେ ବିଜେପି ଏଠାରେ ପ୍ରାର୍ଥୀ ଦେବ । ଏହା ବରିଷ୍ଠ ଶିବସେନା ଧନଞ୍ଜୟଙ୍କ ପାଇଁ ଏକ ଅପମାନ ।
ତାଙ୍କ ସମ୍ମାନ ପାଇଁ ଆମେ ଆଜି ନିଜର ଇସ୍ତଫା ପତ୍ର ଶିବସେନା ମୁଖ୍ୟଙ୍କ ପାଖକୁ ପଠାଇ ଦେଇଛୁ । ଆମେ ଏଠାରେ କେବେ ହେଲେ ବିଜେପି ପ୍ରାର୍ଥୀଙ୍କୁ ସମର୍ଥନ କରିପାରିବୁ ନାହିଁ । ଏଥିପାଇଁ ଆମେ ଉଦ୍ଧବଜୀ, ମନ୍ତ୍ରୀ ଏକନାଥ ସିନ୍ଧେ ଓ ସ୍ଥାନୀୟ ସାଂସଦ ଶ୍ରୀକାନ୍ତ ସିନ୍ଧେଜୀଙ୍କୁ ଇସ୍ତଫାପତ୍ର ପଠାଇ ଦେଇଛୁ ।
ଅନ୍ୟପକ୍ଷରେ ଧନଞ୍ଜୟ ସ୍ୱାଧୀନ ଭାବେ ଏଠାରେ ନିର୍ବାଚନ ଲଢ଼ିବେ ବୋଲି ଘୋଷଣା କରିଛନ୍ତି । ସେ କହିଛନ୍ତି, ଗଲା ୧୦ ବର୍ଷ ହେଲା ଏଠାରେ ବିକାଶ ହୋଇନାହିଁ । ମୁଁ ଚଳିତ ଥର ଏଠାରେ ଶିବସେନାର ପ୍ରାର୍ଥୀ ହେବି ବୋଲି ଜାଣିଥିଲି । କି;ୁ ଏବେ ସେମାନେ ମୋତେ ଟିକେଟ ଦେଇନାହାନ୍ତି । ଏଠାରେ ବିଜେପି ପ୍ରାର୍ଥୀଙ୍କୁ କେହି ବି ସମର୍ଥନ କରିବେ ନାହିଁ । ମୁଁ ବିଜେପି ପ୍ରାର୍ଥୀଙ୍କ ବିରୋଧରେ ସ୍ୱାଧୀନ ଭାବେ ନିର୍ବାଚନ ଲଢ଼ିବି ।
