Anupambharat News Bureau
ନୂଆଦିଲ୍ଲୀ: ଦେଶରେ ଚାଞ୍ଚଲ୍ୟ ସୃଷ୍ଟି କରିଥିବା ହାଇଦ୍ରାବାଦର ମହିଳା ଭେଟରନାରି ଡାକ୍ତରଙ୍କୁ ଗଣଦୁଷ୍କର୍ମ ଓ ହତ୍ୟାରେ ସଂପୃକ୍ତ ଥିବା ଚାରି ଅଭିଯୁକ୍ତଙ୍କୁ ତେଲେଙ୍ଗାନା ରାଜ୍ୟ ପୁଲିସ୍ ଏନ୍କାଉଣ୍ଟର କରିବା ଘଟଣାର ତଦନ୍ତ ସୁପ୍ରିମ୍ କୋର୍ଟର ଜନୈକ ଅବସରପ୍ରାପ୍ତ ବିଚାରପତି କରିପାରନ୍ତି । ଏଥିପାଇଁ ସୁପ୍ରିମ୍ କୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ନାମ ସୁପାରିସ୍ କରିବା ପାଇଁ ସୁପ୍ରିମ୍ କୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବ୍ଡେ ତେଲେଙ୍ଗାନା ରାଜ୍ୟ ସରକାରଙ୍କୁ ଆଜି (ବୁଧବାର) ନିର୍ଦ୍ଦେଶ ଦେଇଛନ୍ତି ।
ଉଲ୍ଲେଖଯୋଗ୍ୟ, ଏହି ଗଣଦୁଷ୍କର୍ମ ଓ ହତ୍ୟା ଘଟଣାରେ ସଂପୃକ୍ତ ଥିବା ଚାରି ଅପରାଧୀଙ୍କୁ ତେଲେଙ୍ଗାନା ପୁଲିସ୍ ଘଟଣାସ୍ଥଳକୁ ନେଇ ଗତସପ୍ତାହରେ ତଦନ୍ତ ଚଳାଇଥିବା ବେଳେ ଅପରାଧୀମାନେ ପୁଲିସ୍ ଉପରେ ଆକ୍ରମଣ କରିବା ସହ ଘଟଣାସ୍ଥଳରୁ ଫେରାର୍ ହୋଇଯିବାକୁ ଉଦ୍ୟମ କରିଥିଲେ । ଫଳରେ ପୁଲିସ୍ ନିଜର ଆତ୍ମରକ୍ଷା ପାଇଁ ସେମାନଙ୍କୁ ଏନ୍କାଉଣ୍ଟର କରିଥିଲା, ଯେଉଁଥିରେ ଚାରି ଅପରାଧୀଙ୍କର ମୃତୁ୍ୟ ହୋଇଯାଇଥିଲା ।
ତେବେ, ତେଲେଙ୍ଗାନା ପୁଲିସ୍ ପକ୍ଷରୁ କରାଯାଇଥିବା ଏହି ଏନ୍କାଣ୍ଟର ଘଟଣାକୁ ବିରୋଧ କରିବା ସହ ଏହି ଘଟଣାର ଏକ ବିଚାର ବିଭାଗୀୟ ତଦନ୍ତ ଦାବୀ କରି ଜି ଏସ୍ ମାନୀ ଓ ପ୍ରଦୀପ କୁମାର ଯାଦବ ନାମକ ଦୁଇଜଣ ଆଇନଜୀବୀ ସୁପ୍ରିମ୍ କୋର୍ଟରେ ଏକ ମାମଲା ଆଗତ କରିଥିଲେ । ସୁପ୍ରିମ୍ କୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବ୍ଡେ ଆଜି ଏହି ମାମଲାର ବିଚାର କରି ଏହି ଘଟଣାର ବିଚାର ବିଭାଗୀୟ ତଦନ୍ତ ସୁପ୍ରିମ୍ କୋର୍ଟର ଅବସରପ୍ରାପ୍ତ ବିଚାରପତି ଜଷ୍ଟିସ୍ ପି ଭି ରେzୀ କର;ୁ ବୋଲି ଚାହୁଁଥିଲେ । ମାତ୍ର, ଜଷ୍ଟିସ୍ ପିଭି ରେzୀ ଏବେ ତେଲେଙ୍ଗାନା ବାହାରେ ଥିବାରୁ ଅନ୍ୟ ଜଣେ ଅବସରପ୍ରାପ୍ତ ବିଚାରପତିଙ୍କ ନାମ ସୁପାରିସ୍ କରିବା ପାଇଁ ସୁପ୍ରିମ୍ କୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଏସ୍ ଏ ବୋବ୍ଡେ ତେଲେଙ୍ଗାନା ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିବା ଜାଣିବାକୁ ମିଳିଛି ।
