Anupambharat News Bureau
ମାଲକାନଗିରି, ୭ା୨ (ଅନୁପମ ମିଡିଆ): ମାଲକାନଗିରି ଜିଲ୍ଲାରେ ଅପରେସନ ସ୍ୱାଭିମାନ ନାମରେ ଗତ ଏକ ମାସ ପୂର୍ବେ ମାଲକାନଗିରି ପୋଲିସ ପକ୍ଷରୁ ଏସଓଜି, ଡିବିଏଫ ଓ ବିଏସଏଫ ଓ ଆନ୍ଧ୍ର ପ୍ରଦେଶର ଗ୍ରେହାଉଣ୍ଡ ସହାୟତାରେ ମାଓ ଉପଦ୍ରୁତ ଅଞ୍ଚଳରେ ସ୍ୱତନ୍ତ୍ର ମାଓ ଦମନ ଅଭିଯାନ ଆରମ୍ଭ କରାଯାଇଥିଲା ।
ମାଓନେତା ଆର.କେ, ଉଦୟ, ଚଲପତି, କୌଳାଶମ ପରି ବହୁ ନେତାଙ୍କୁ ନିଶାନ କରି ଏହି ଅପରେସନ ଆରମ୍ଭ କରାଯାଥିଲା । ସ୍ୱାଭିମାନ ଅଞ୍ଚଳରେ ଗତ କିଛି ଦିନ ଧରି ଚାଲିଥିବା ମାଓ ଅପରେସନରେ ପୋଲିସକୁ ବଡ ସଫଳତା ମିଳିଛି । ବିଭିନ୍ନ ମାଓକ୍ୟାମ୍ପକୁ ଯବାନ ମାନେ ଧ୍ୱଂସ କରିବା ସହ ସେଠାରେ ଲୁଚାଇ ରଖିଥିବା ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ମାଓବାଦୀମାନେ ବ୍ୟବହାର କରୁଥିବା ସାମଗ୍ରୀ ଜବତ କରିଛି । ଶୁକ୍ରବାର ଜିଲ୍ଳା ପୋଲିସ୍ ମୁଖ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିସ୍ତୃତ ଭାବେ ସୂଚନା ଦେଇଛନ୍ତି ଡିଆଇଜି ଏସପିଏସ ସାନ୍ଧୁ ଓ ମାଲକାନଗିରି ଏସପି ଋଷିକେଶ ଡି.ଖିଲାରୀ । ମିଳିଥିବା ସୂଚନା ଅନୁଯାୟୀ ଜାନୁଆରୀ ମାସ ୧୫ତାରିଖରେ ସ୍ୱାଭିମାନ ଅଞ୍ଚଳରେ ସର୍ଚ ଅପରେସନ ଚାଲିଥିବା ବେଳେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହାପରେ ପୋଲିସ୍କୁ ସମ୍ପୃକ୍ତ ଅଂଚଳରେ ଏକାଧିକ ମାଓକ୍ୟାମ୍ପ ଚାଲିଥିବା ଗୁପ୍ତ ସୁଚନା ମିଳିଥିଲା ।
ଉକ୍ତ ସୂଚନାକୁ ଆଧାର କରି କିଛିଦିନ ହେଲା ପୋଲିସ ସର୍ଚ୍ଚ ଅପରେସନକୁ ଜୋରଦାର କରିଥିଲା । ସର୍ଚ୍ଚ ଅପରେସନରେ ବିଏସଏଫ, କୋବ୍ରା, ଆନ୍ଧ୍ରଗ୍ରେହାଉଣ୍ଡ, ଡିଭିଏଫ(ଡିଷ୍ଟ୍ରିକଫ ଭଲୁ୍ୟଣ୍ଟାରୀ ଫୋର୍ସ), ଏସଓଜି ଓ ଓଡିଶା ପୋଲିସ ମିଳିତ ଭାବେ ସାମିଲ ହୋଇଥିଲେ । ଅପରେସନ ଜୋରଦାର ହେବାପରେ ମାଓବାଦୀ କ୍ୟାମ୍ପ ଛାଡି ଛତ୍ରଭଙ୍ଗ ଦେଇଥିଲେ । ବିଭିନ୍ନ କ୍ୟାମ୍ପରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ମାଓବାଦୀ ବ୍ୟବହାର୍ଯ୍ୟ ଜିନିଷ ଜବତ କରାଯାଇଥିଲା । ପ୍ରଥମଥର ପାଇଁ ଏତେ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଜବତ ଅସ୍ତ୍ରଶସ୍ତ୍ର ମଧ୍ୟରେ ଇନସାସ୍ ଲାଇଟ ମେସିନଗନ, ଇନସାସ୍ ରାଇଫଲ, କାରାବାଇନଷ୍ଟେନଗନ, ଏସ୍ଏଲ୍ଆର ରାଇଫଲ, ୩୦୩ରାଇଫଲ, ପିସ୍ତଲ, ଏଲଏମଜି ମାଗାଜିନ, ଭିଏଚଏଫ ସ୍କାନର, ଗନପାଉଡର, ଟିଫିନ ବୋମା, ଫ୍ଲାସଲାଇଟ , ୫ ବଣ୍ଡଲ କୋରଡେକ୍ସ ତାର , ଗୋଟିଏ ବଣ୍ଡଲ ଫ୍ଲେକ୍ସି ତାର ସମେତ ବହୁ ପରିମାଣର ଗୁଳିଗୋଳା ରହିଛି । ଏହି ଘଟଣାରେ ମାଓବାଦୀ ସଂଗଠନକୁ ଶକ୍ତ ଧMା ଲାଗିଥିବା ବେଳେ ଯବାନଙ୍କ ମନୋବଳ ବୃଦ୍ଧି ପାଇଛି ।
ନାବାଳିକାକୁ ଅପହରଣ ପରେ ଗଣଦୁଷ୍କର୍ମ, ମୁମୂର୍ଷୁ ଅବସ୍ଥାରେ ପୀଡ଼ିତା ଉଦ୍ଧାର, ସ୍ୱାସ୍ଥ୍ୟାବସ୍ଥା ଗୁରୁତର, ମୁଖ୍ୟ ଅଭିଯୁକ୍ତ ଗିରଫ
Read More...
