Anupambharat News Bureau
ନୂଆଦିଲ୍ଲୀ, ୧୫ା୨: ରାଷ୍ଟ୍ରୀୟ ରାଜଧାନୀ ନଗରୀ ନୂଆଦିଲ୍ଲୀ ଆଜି ଉତ୍ସବମୁଖରିତ ହୋଇଛି । ଦିଲ୍ଲୀ ବିଧାନସଭା ପାଇଁ ସଂଖ୍ୟା ଗରିଷ୍ଠତା ହାସଲ କରି ବିଜୟ ଲାଭ କରିଥିବା ଆମଆଦ୍ମୀପାର୍ଟି (ଆପ୍)ର ନେତା ଅରବିନ୍ଦ କେଜରିୱାଲ୍ ପୁଣି ଥରେ ଆଜି ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । କେଜରିୱାଲ୍ଙ୍କ ଏହି ତୃତୀୟଥର ମୁଖ୍ୟମନ୍ତ୍ରୀ ହେଉଥିବା ଖବର ସାରା ଦେଶରେ ଦୃଷ୍ଟି ଆକର୍ଷଣରେ ରହିଛି । ଚଳିତବର୍ଷ ୨୦୨୦ ଦିଲ୍ଲୀ ବିଧାନସଭା ନିର୍ବାଚନରେ ୭୦ ଆସନରୁ ୬୨ଟି ଆସନରେ ବିଜୟ ଲାଭ କରି ଆପ୍ର ନେତା ତଥା ପ୍ରତିଷ୍ଠାତା ଓ ସଂଯୋଜକ ଅରବିନ୍ଦ କେଜରିୱାଲ୍ ହ୍ୟାଟି୍ରକ୍ ବିଜୟର ଗୌରବ ହାସଲ କରିବା ପରେ ଆଜି ନୂଆଦିଲ୍ଲୀର ରାମଲୀଳା ମୈଦାନରେ ଶପଥ ଗ୍ରହଣ କରିବାକୁ ଯାଉଛନ୍ତି । ଦଳର ବହୁ ବରିଷ୍ଠ ନେତା ଏହି କାର୍ଯ୍ୟକ୍ରମରେ ଯୋଗ ତେବେ । ତେବେ ଚର୍ଚ୍ଚା ହେଉଛି ଯେ ଅନ୍ୟ ରାଜ୍ୟମାନଙ୍କର ମୁଖ୍ୟମନ୍ତ୍ରୀ କିମ୍ବା ଅନ୍ୟ ଦଳର ରାଜନେତା ମାନଙ୍କୁ ଏହି ଶପଥ ଗ୍ରହଣ ଉତ୍ସବକୁ ଆମନ୍ତ୍ରଣ କରାଯାଇ ନାହିଁ । ତେବେ ଦିଲ୍ଲୀର ପ୍ରଶାସନରେ ସଂପୂର୍ଣ୍ଣ ସ୍ୱଚ୍ଛତା ଅଛି ଏହା ଆପର ବିଜୟ ଗୌରବରୁ ସ୍ପଷ୍ଟ ହୋଇଛି । ତେବେ ଏହି ଦିଲ୍ଲୀର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରୁଥିବା କେଜରିୱାଲ୍ଙ୍କ ଶପଥ ଗ୍ରହଣ ଉତ୍ସବରେ ଦିଲ୍ଲୀର ସମସ୍ତ ସରକାରୀ ସ୍କୁଲର ମୁଖ୍ୟମାନଙ୍କୁ ଆମନ୍ତ୍ରଣ କରାଯାଇଛି । ଏହାକୁ ପ୍ରତିବାଦ କରି ଭାରତୀୟ ଜନତାପାର୍ଟି (ବିଜେପି)ର ନେତା କପିଲ ମିଶ୍ରା କହିଛନ୍ତି ଯେ ଶିକ୍ଷକ ମାନଙ୍କୁ ଶପଥ ଗ୍ରହଣ ଉତ୍ସବରେ ଯୋଗ ଦେବା ପାଇଁ ବାଧ୍ୟ କରାଯାଇଛି ।
