Anupambharat News Bureau
ଭୁବନେଶ୍ୱର, ୨୧ା୪(ଅନୁପମମିଡ଼ିଆ): ରାଜ୍ୟରେ ମଙ୍ଗଳବାର ଆଉ ପାଞ୍ଚ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ରାଜ୍ୟର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆ ଯାଇଛି । ଫଳରେ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୭୯ରେ ପହଞ୍ଚିଛି । ଫଳରେ ରାଜ୍ୟରେ ପଜିଟିଭ୍ ହାର ୦.୭୬ ପ୍ରତିଶତ ରହିଛି । ଆଜି ଚିହ୍ନଟ ସମସ୍ତ ସଂକ୍ରମିତ ରୋଗୀ ବାଲେଶ୍ୱରର ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଦ୍ୱାରା ଦିଆ ଯାଇଥିବା ସୂଚନା ଅନୁସାରେ ୨୧ ତାରିଖ ସୁଦ୍ଧା ମୋଟ ୧୧୭୪୮ ନମୁନା ପରୀକ୍ଷା କରାଯାଇଛି । ଏହା ସହିତ ୪୮୬୧ ରାପିଡ ଆଣ୍ଟିିବଡି ଟେଷ୍ଟ କରାଯାଇଛି । ଏଥିରେ ମୋଟ ୭୯ ଜଣ ସଂକ୍ରମିତ ଥିବା ଜଣା ପଡିଛନ୍ତି । ଉଲ୍ଲେଖନୀୟ ଯେ ସୋମବାର ରାଜ୍ୟରେ ମୋଟ ୧୩ ଜଣ କରୋନା ସଂକ୍ରମିତ ହୋଇଥିବା ଜଣାପଡିଥିଲା । ବର୍ତ୍ତମାନ ସୁଦ୍ଧା ୨୯ ଜଣ ରୋଗୀ ସଂପୂର୍ଣ୍ଣ ସୁସ୍ଥ ହୋଇ ଡାକ୍ତରଖାନାରୁ ଫେରିଛନ୍ତି । ଅପରପକ୍ଷରେ ଜଣେ କୋଭିଡ୍-୧୯ ରୋଗୀଙ୍କର ମୃତୁ୍ୟ ହୋଇଛି । ଏହା ବାଦ୍ ରାଜ୍ୟରେ ସକ୍ରିୟ ଥିବା ସଂକ୍ରମିତଙ୍କ ସଂଖ୍ୟା ୪୯ ରହିଛି । ୧୪୭ ଜଣ ସନ୍ଦିଗ› ହସ୍ପିଟାଲ୍ ଆଇସୋଲେସନ୍ରେ ଅଛନ୍ତି ବୋଲି ସେ କହିଛନ୍ତି ।
ଆଖିବୁଜିଲେ ୪୪ତମ ଆକ୍ରାନ୍ତ, କରୋନା ନୁହେଁ କ୍ୟାନ୍ସରେ ମୃତୁ୍ୟ, ପଶ୍ଚିମବଙ୍ଗରୁ ଆସି ଭୁବନେଶ୍ୱରରେ ଚିକିତ୍ସିତ ହେଉଥିଲେ
Read More...
