Anupambharat News Bureau
ପାଟଣା ଥାନା ଅନ୍ତର୍ଗତ ଟଭାସରୁଆ ଗ୍ରାମ ରେ ଚୋରା ମଦ କାରବାର କୁ ନେଇ ଗ୍ରାମରେ ନାନାଦି ବିସୃଙ୍ଖଳା ସୃଷ୍ଟି ହେଉଛି । ଅବକାରୀ ବିଭାଗ ଚୋରା ମଦ କାରବାର ଉପରେ ଅଙ୍କୁଶ ଲଗାଇବାରେ ବିଫଳ ହେଉଥିବାରୁ ଗ୍ରାମର ମହିଳା ଗୋଷ୍ଠୀ ଏବେ ମଦ କାରବାର ବନ୍ଦ ପାଇଁ ଅଣ୍ଟା ଭିଡିଛନ୍ତି । ଆଜି ଟଭାସରୁଆ ଗ୍ରାମ ରେ ଚୋରା ମଦ ବିକ୍ରି କରୁଥିବା ଗ୍ରାମର ଦୁଲାଲ ମହାରଣା କୁ ଗ୍ରାମର ତିନୋଟି ମହିଳା ଗୋଷ୍ଠୀ ଏକତ୍ର ହୋଇ ମଦ ସହ ଧରିବା ପରେ ତାକୁ ବଡ଼ବିଲ ପଞ୍ଚାୟତ କାର୍ଯ୍ୟାଳୟ କୁ ନେଇଥିଲେ । ପଞ୍ଚାୟତ ପକ୍ଷରୁ ପାଟଣା ଥାନା କୁ ଖବର ଦିଆଯିବାରେ ପାଟଣା ଥାନା ରୁ ଆଇଆଇସି ସୋମନାଥ ଜେନା , ସବ୍ ଇନ୍ସପେକ୍ଟର ଅରୁପ କୁମାର ସାମଲ ବଡ଼ବିଲ ପଞ୍ଚାୟତ କାର୍ଯ୍ୟାଳୟ କୁ ଯାଇ ମହିଳା ମାନଙ୍କୁ ବୁଝାସୁଝା କରିବା ସହ ଚୋରା ମହ ବେପାରୀ ଦୁଲାଲା ମହାରଣା କୁ ଗିରଫ କରିବା ସହ ୫୦ଲିଟର ମହୁଲି ମଦ ଜବତ କରିଛନ୍ତି । ଗ୍ରାମର ମା କିଚକେଶ୍ବରୀ ଏସ୍ଏଚଜି , ଦ୍ରୋପଦୀ ବିଶ୍ବ ଏସ୍ଏଚଜି ଓ ଜୟଦୁର୍ଗା ଏସ୍ଏଚଜି ର ମହିଳା ମାନେ ଚୋରା ମଦ ଜବତ କରିବା ସହ ମଦ ବିକ୍ରେତା ଙ୍କୁ ପୋଲିସ ଜିମା ଦେଇଛନ୍ତି ।
