Anupambharat News Bureau
ଭୁବନେଶ୍ୱର, ୧୦ା୫ (ଅନୁପମ ମିଡିଆ): ମଇ ୩ ତାରିଖରେ ବାତ୍ୟା ଫୋନୀ ଦ୍ୱାରା ଓଡ଼ିଶାର ଅନେକ ଜିଲ୍ଲାରେ ବ୍ୟାପକ କ୍ଷୟକ୍ଷତି ସାଧିତ ହୋଇଥିଲା । ଅନେକ ସମ୍ପି କ୍ଷୟ ହେବା ସହ ଅନେକ ଜନସାଧାରଣ ପ୍ରଭାବିତ ହୋଇଛନ୍ତି । ଏପରି ସ୍ଥିତିରେ ଅନେକ ଶିଳ୍ପାସଂସ୍ଥା ଓ ଅନୁଷ୍ଠାନ ସହୟତା ଓ ଥଇଥାନ ପାଇଁ ଆଗେଇ ଆସିଥିବା ବେଳେ କନ୍ଫେଡେରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରିଜ୍ (ସିଆଇଆଇ) ପକ୍ଷରୁ ଏକ ବାତ୍ୟା ପରିଚାଳନା କମିଟି ଗଠିତ ହୋଇଛି ।
ସିଆଇଆଇର ସାଧାରଣ ସମ୍ପାଦକ ଏକ ପତ୍ର ମାଧ୍ୟମରେ ନବରତ୍ନ ନାଲ୍କୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଡଃ ତପନ କୁମାର ଚାନ୍ଦଙ୍କୁ ଏହି ବାତ୍ୟା ପରିଚାଳନା କମିଟିର ଅଧ୍ୟକ୍ଷତା କରିବା ପାଇଁ ଅନୁରୋଧ କରିଛନ୍ତି । ଡଃ ଚାନ୍ଦଙ୍କ ସହ ସିଆଇଆଇ (ପୂର୍ବାଞ୍ଚଳ)ର ଆଡ୍ମିରାଲ୍ ଶ୍ରୀ ଏ.କେ. ବର୍ମା ମଧ୍ୟ ଏହି ବାତ୍ୟା ପରିଚାଳନା କମିଟିରେ କାର୍ଯ୍ୟ କରିବେ । ଏହି ବାତ୍ୟା ପରିଚାଳନା କମିଟିର ଅଧ୍ୟକ୍ଷ ତଥା ଆଲୁମିନିୟମ୍ ଆସୋସିଏସନ୍ ଅଫ୍ ଇଣ୍ଡିଆର ଅଧ୍ୟକ୍ଷ ଭାବେ ଡଃ ତପନ କୁମାର ଚାନ୍ଦ ସମସ୍ତ ଶିଳ୍ପାନୁଷ୍ଠାନ ତଥା ଅନ୍ୟାନ୍ୟ ସଂସ୍ଥାମାନଙ୍କୁ ବାତ୍ୟା ପରର୍ବୀ ରିଲିଫ୍ ଓ ଥଇଥାନ କାର୍ଯ୍ୟରେ ସହାୟତା କରିବା ପାଇଁ ଅନୁରୋଧ କରିଛନ୍ତି । ଷ୍ଟିଅରିଂ କମିଟିର ଏକ ବୈଠକ ମଇ ୧୧ ତାରିଖରେ ନାଲ୍କୋ ଭବନ ପରିସରରେ ଅନୁଷ୍ଠିତ ହେବ । ଏହି ବୈଠକରେ ଶିଳ୍ପାନୁଷ୍ଠାନର ପ୍ରତିନିଧିମାନଙ୍କୁ ଅଂଶଗ୍ରହଣ କରିବାକୁ ଅନୁରୋଧ କରାଯାଇଛି । ଉଲ୍ଲେଖଯୋଗ୍ୟ ଯେ ନବରତ୍ନ କମ୍ପାନୀ ନାଲ୍କୋ ପକ୍ଷରୁ ଅଧ୍ୟକ୍ଷ ଡଃ ଚାନ୍ଦଙ୍କ ଦିଗ˜ର୍ଶନରେ ବ୍ୟାପକ ରିଲିଫ୍ କାର୍ଯ୍ୟ ଜାରୀ ଅଛି ।
