Anupambharat News Bureau
ନବରଙ୍ଗପୁର,୧୦ ।୫(ଅନୁପମ ମିଡ଼ିଆ): ସରକାରଙ୍କ ଯୋଜନା କେବଳ ଯୋଜନାରେ ହିଁ ରହି ଯାଉଛି, ତାହା ବାସ୍ତବ ରୂପ ନେବା ଆଗରୁ ହିଁ ହଜିଯାଉଛି ।
ଏପରି କି ଆମର ଆଗାମୀ ଭବିଷ୍ୟତର ଶିଶୁମାନଙ୍କ ପାଇଁ କରାଯାଉଥିବା ବିଭିନ୍ନ ଯୋଜନା ମଧ୍ୟ ଚପଳାମି ଶିଶୁ ପାଇ ପାରୁନାହାଁନ୍ତି । ରାଜ୍ୟ ସରକାର ଶିକ୍ଷା କ୍ଷେତ୍ରରେ ବ୍ୟାପକ ଅର୍ଥ ଖର୍ଚ୍ଚ କରୁଥିବା ଓ ଶିକ୍ଷାକୁ ଏକ ଉନ୍ନତମାନର ମାପଦଣ୍ଡରେ ସ୍ଥାନିତ କରିବା ପାଇଁ ଚେଷ୍ଟା କରୁଥିବା ବେଳେ ଏପରି କିଛି ସ୍ଥାନ ଅଛି ଯେଉଁଠାରେ ଶିକ୍ଷା ବ୍ୟବସ୍ଥାକୁ ଦେଖିଲେ ସରକାରଙ୍କ ଏହି ଯୋଜନା ସବୁ ମିଛ ଓ ଭାଷଣ ପ୍ରାୟ ଲାଗିବ ।
ଏହାର ଏକ ନଗ ୍ନନମୁନା ଦେଖିବାକୁ ମିଳଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଇଚ୍ଛାପୁର ପଞ୍ଚାୟତ ଗୁନାଗୁଡ଼ା ଅଙ୍ଗନବାଡ଼ି କେନ୍ଦ୍ରରେ । ସରକାରଙ୍କ ତରଫରୁ ଗ୍ରାମାଞ୍ଚଳ ମାନଙ୍କରେ ଛୋଟ ଛୋଟ ଶିଶୁମାନଙ୍କୁ ଶିକ୍ଷା ପ୍ରଦାନ କରିବା ସହ ଅପପୃଷ୍ଟି ରୋକିବା ପାଇଁ ଅଙ୍ଗନବାଡ଼ି କେନ୍ଦ୍ର ସ୍ଥାପନ କରାଯାଇଛି । କିନ୍ତୁ ଭିତ୍ତିଭୂମି ଅଭାବ ଯୋଗୁଁ କେତେକ ସ୍ଥାନରେ ବିକାଶ ହୋଇପାରୁନଥିବା ଦେଖିବାକୁ ମିଳିଛି । ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଇଚ୍ଛାପୁର ପଞ୍ଚାୟତ ଗୁନାଗୁଡ଼ା ଅଙ୍ଗନବାଡ଼ି କେନ୍ଦ୍ର ଠାରେ ଏଭଳି ଅବ୍ୟବସ୍ଥା ଦେଖିବାକୁ ମିଳିଛି । ସରକାରଙ୍କ ତରଫରୁ ୨୦୦୯ ମସିହାରେ ଜୁନାଗୁଡ଼ାଠାରେ ଏକ ଅଙ୍ଗନବାଡ଼ି କେନ୍ଦ୍ର ସ୍ଥପନ ହୋଇଥିଲା । ସ୍ଥାପନ ହେବା ଦିନଠୁ ସ୍ଥାନୀୟ ଅଙ୍ଗନବାଡ଼ି କର୍ମୀଙ୍କ ବାରଣ୍ଡାରେ ପାଠ ପଢ଼ା ଆରମ୍ଭ ହୋଇଥିଲା । ଦୀର୍ଘ ୫ ବର୍ଷ ପରେ ଗାଁ ଲୋକଙ୍କକ ଉଦ୍ୟମରେ ଏକ ଚାଳ ଛପର କୁଡ଼ିଆ ନିର୍ମାଣ କରିଥିଲେ । ବର୍ତ୍ତମାନ ୩୦ ରୁ ଉର୍ଦ୍ଧ୍ୱ ପିଲା ଏହି କନ୍ଦ୍ରରେ ପଢ଼ୁଛନ୍ତି । ବର୍ତ୍ତମାନ ଚାଳଛପର କୁଡ଼ିଆ ଶୋଚନୀୟ ହୋଇ ପଡ଼ିଥିବା ବେଳେ ମାଟିରେ ତିଆରି ଅଧା କାନ୍ଥ ଭୁଶୁଡ଼ି ପଡ଼ିଲାଣି ।
କୌଣସି ପ୍ରକାରରେ ଶୀତ, ଖରାରେ ଚଳି ଯାଉଥିବା ବେଳେ ବର୍ଷା ଦିନେ ଅବସ୍ଥା ଶୋଚନୀୟ ହୋଇପଡ଼େ । ଅଧିକ ବର୍ଷା ହେଲେ କେନ୍ଦ୍ର ଟି ବନ୍ଦ ହୋଇଯାଏ । ଏହି ଭଳି ଅବସ୍ଥା ଦେଖି ଅଭିଭାବକ ମାନେ ନିଜ ନିଜ ପିଲାଙ୍କୁ କେନ୍ଦ୍ରକୁ ପଠାଇବା ପାଇଁ ଅମଙ୍ଗ ପ୍ରକାଶ କରୁଛନ୍ତି । ତେବେ ଅପର ପକ୍ଷରେ ପ୍ରଶାସନ ତରଫରୁ ୨୦୧୭ ଅଙ୍ଗନବାଡ଼ି କେନ୍ଦ୍ର କୋଠା ନିର୍ମାଣ ଆରମ୍ଭ ହୋଇଥିଲା । ବର୍ତ୍ତମାନ କୋଠାଟି ଛାତ ପଡ଼ି ଅଧାପନ୍ତରିଆରେ ରହିଥିବା ବେଳେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନଥିବା ଦେଖିବାକୁ ମିଳିଛି । ତେବେ ଏହି ବିଷୟରେ ସ୍ଥାନୀୟ ବିଡ଼ିଓ ଦେବେନ୍ଦ୍ର ବାହାଦୂର ସିଂଧରୁଆଙ୍କୁ ପଚାରିବାରୁ ଯଥା ଶୀଘ୍ର କାମ ଆରମ୍ଭ କରି ଅସମ୍ପୂର୍ଣ୍ଣ କୋଠାକୁî ସମ୍ପୂର୍ଣ୍ଣ କରାଯିବ ବୋଲି କହିଛନ୍ତି ।
