Anupambharat News Bureau
ନୂଆଦିଲ୍ଲୀ: ସ୍ଥଳଭାଗ ଛୁଇଁବା ପୂର୍ବରୁ ଲୁଚକାଳି ଖେଳୁଛି ମୌସୁମୀ । କେରଳରେ ମୌସୁମୀ ପାଖାପାଖି ପହଞ୍ଚି ସାରିଛି, ହେଲେ ୮ ତାରିଖ ପରେ ଯାଇ ମୌସୁମୀ ସ୍ଥଳଭାଗ ଛୁଇଁବ ବୋଲି ପାଣିପାଗ ବିଭାଗ ସଦ୍ୟ ଆକଳନ କରି ଏହା କହିଛି । ମୌସୁମୀର ଏଭଳି ସ୍ଥିତି ରହିଲେ ସାରା ଦେଶରେ ବର୍ଷା ବିଳମ୍ବରେ ହେବ ବୋଲି ଜଣାପଡ଼ିଛି । ସାଧାରଣ ଭାବରେ ୧୫ ଜୁନ ବେଳକୁ ମୁମ୍ବାଇରେ ମୌସୁମୀ ଛୁଇଁ ସାରିଥାଏ, କି;ୁ ଚଳିତଥର ଆହୁରି ସପ୍ତାହେ ବିଳମ୍ବ ହେବ ବୋଲି ଜଣାପଡ଼ିଛି । ପ୍ରଥମେ ଜୁନ ୬ ତାରିଖ ସୁଦ୍ଧା ମୌସୁମୀ କେରଳ ଛୁଇଁବ ବୋଲି ଆକଳନ ହୋଇଥିଲା । ହେଲେ ପରବର୍ତ୍ତୀ ସମୟରେ ଏଥିରେ ବିଳମ୍ବ ହୋଇଛି । ଅନ୍ୟପଟେ ପ୍ରଚଣ୍ଡ ଖରା କାରଣରୁ ରାଜସ୍ଥାନ, ଉତ୍ତର ପ୍ରଦେଶ ଆଦି ରାଜ୍ୟରେ ‘ଲୁ’ ବା ଗରମ ପବନ ବହୁଛି । ପାଣିପାଗ ବିଭାଗର ରିପୋର୍ଟ ଅନୁଯାୟୀ ଏହି ସବୁ ରାଜ୍ୟରେ ବର୍ଷା ବିଳମ୍ବିତ ହେବ ।
