Anupambharat News Bureau
ଭୁବନେଶ୍ୱର, ୧୪ ।୨(ଅନୁପମ ମିଡିଆ): ରାଜ୍ୟର ବିଭିନ୍ନ ଜିଲ୍ଲାରେ ଥିବା ୧୧ କେଭି ଲାଇନ୍କୁ ତୁରନ୍ତ ମରାମତି କରିବା ପାଇଁ ସେଫଟି ଅଫିସର ନିଯୁକ୍ତ କରିବା ପାଇଁ ରାଜ୍ୟ ଶକ୍ତିମନ୍ତ୍ରୀ ଦିବ୍ୟ ଶଙ୍କର ମିଶ୍ର ନିର୍ଦ୍ଦେଶ ଦେଇଛନ୍ତି । ଏଥିସହ ଗଞ୍ଜାମ ମାଣ୍ଡରାଜପୁର ବସ୍ ଟ୍ରାଜେଡି ଘଟଣା ଯେଭଳି ଆଗକୁ ନହେବ ସେଥିପାଇଁ ସମସ୍ତେ ସତର୍କ ରହିବାକୁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଶୁକ୍ରବାର ଅପରାହ୍ନରେ ଲୋକସେବା ଭବନଠାରେ ଶକ୍ତି ବିଭାଗର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ମନ୍ତ୍ରୀ ରାଜ୍ୟର ସମସ୍ତ ଜିଲ୍ଲାପାଳ ଓ ଏସପିଙ୍କ ସହ ଭିଡିଓ କନଫରେନ୍ସ ଜରିଆରେ ଆଲୋଚନା କରିଥିଲେ । ବୈଠକ ପରେ ଶକ୍ତି ମନ୍ତ୍ରୀ ମିଶ୍ର କହିଥିଲେ ଯେ, ରାସ୍ତା ଉପରେ ଥିବା ତାରର ଉଚ୍ଚତା ଭୂମିଠୁ ୨୦ ଏବଂ ରାସ୍ତା କଡରେ ୧୯ ଫୁଟ୍ ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ଆସନ୍ତାକାଲି ଆହତଙ୍କୁ ଭେଟିବା ପାଇଁ ଶକ୍ତି ବିଭାଗ ଓ ବିଜୁଳି ବିଭାଗ ଟିମ୍ ଯିବେ । ଅନ୍ୟପକ୍ଷରେ ଆମେ ସବୁ ସଚେତନ । ଦୋଷ କାହା ଉପରେ ଲଦିବା ଠିକ୍ ନୁହେଁ । ଗୋଟିଏ ଘଟଣା ଘଟି ଯାଇଛି ତାକୁ କିପରି ତାକୁ ସଂଶୋଧନ କରାଯାଇ ଆଗାମୀ ସମୟରେ ଏଭଳି ଘଟଣା ନ ଘଟୁ ତା ଉପରେ ଅଧିକ ଦୃଷ୍ଟି ଦେବା ଉଚିତ୍ ବୋଲି ମନ୍ତ୍ରୀ ମିଶ୍ର ପ୍ରକାଶ କରିଛନ୍ତି ।
