Anupambharat News Bureau
ଜୟପୁର : ରାଜସ୍ଥାନର ବୁନ୍ଦୀରେ ଡାକ୍ତରୀ ଟିମ୍ ଏକ ବିରଳ ଅସ୍ତ୍ରୋପଚାର କରିଛନ୍ତି । ଜଣେ ମଧ୍ୟ ବୟସ୍କ ବ୍ୟକ୍ତିଙ୍କ ଅସ୍ତ୍ରୋପଚାର ପରେ ଡାକ୍ତର ମଧ୍ୟ ଚମକି ପଡ଼ିଛନ୍ତି । କାରଣ ବ୍ୟକ୍ତିଙ୍କ ପେଟରୁ ୧୧୬ଟି ଲୁହା କଣ୍ଟା ଏବଂ ତାର ବାହାରିଛି । ସ୍କାନିଂ ସମୟରେ ମଧ୍ୟ ଡାକ୍ତର ଅଭିଭୂତ ହୋଇ ଯାଇଥିଲେ । ଏହି ଅସ୍ତ୍ରୋପଚାର ସୋମବାର କରାଯାଇଛି, ଯେଉଁଥିରେ କି ଭୋଳା ଶଙ୍କର (୪୨) ନାମରେ ଜଣେ ବ୍ୟକ୍ତିଙ୍କ ପେଟରୁ କଣ୍ଟାଗୁଡ଼ିକ ବାହାରିଛି ।
ହସ୍ପିଟାଲର ସର୍ଜନ ଡାକ୍ତର ଅନିଲ ସୈନୀ କହିଛନ୍ତି, ଭୋଲା ଶଙ୍କର ଲୁହା କଣ୍ଟା ଖାଇବାକୁ ବହୁତ ପସନ୍ଦ କରେ । ସେ ଖାଇଥିବା ଅଧିକାଂଶ କଣ୍ଟାର ଲମ୍ବ ୬.୫ ସେଣ୍ଟିମିଟର । ସବୁତକ କଣ୍ଟା ବାହାର କରିବା ପାଇଁ ଦେଢ ଘଣ୍ଟା ଲାଗିଛି ।
