ଆଉ ୬୫ ନୂଆ କରୋନା ପଜିଟିଭ୍‌ ଚିହ୍ନଟ

Anupambharat News Bureau
May 16, 2020

ଭୁବନେଶ୍ୱର, ୧୬ା୫(ଅନୁପମମିଡ଼ିଆ): ରାଜ୍ୟରେ ଆଉ ୬୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହା ସହ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ବଢି ୭୩୭ରେ ପହଂଚିଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଦ୍ୱାରା ଏହି ସୂଚନା ଦିଆ ଯାଇଛି । ଚିହ୍ନଟ ହୋଇଥିବା ୬୫ ଜଣ ଆକ୍ରାନ୍ତଙ୍କ ମଧ୍ୟରୁ ଯାଜପୁର ଜିଲ୍ଲାର ୩୧ ଜଣ, ଗଞ୍ଜାମ ଜିଲ୍ଲାର ୧୩ ଜଣ, କଟକ ଜିଲ୍ଲାର ୬ ଜଣ ରହିଥିବା ବେଳେ କେନ୍ଦ୍ରାପଡା ଜିଲ୍ଲାର ଚାରି ଜଣ ଓ ପୁରୀ ଜିଲ୍ଲାର ଚାରି ଜଣ ରହିଛନ୍ତି । ସେହିପରି ଖୋର୍ଦ୍ଧା ଜିଲ୍ଲାର ତିନି ଜଣ, ମୟୂରଭଞ୍ଜର ଦୁଇ ଜଣ ଓ ନୟାଗଡର ଦୁଇ ଜଣ ଅଛନ୍ତି । ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଏହି ଚିହ୍ନଟ ୬୫ ଜଣଙ୍କ ମଧ୍ୟରୁ ୬୨ ଜଣ କ୍ୱାରେଣ୍ଟାଇନରେ ଥିବା ବେଳେ ତିନି ଜଣ ହୋମ କ୍ୱାରେଣ୍ଟାଇନରେ ଥିଲେ ।
ବିଭାଗ ପକ୍ଷରୁ ସୂଚନା ଦିଆ ଯାଇଛି ଯେ, ଯାଜପୁର ଜିଲ୍ଲାରୁ à­©à­§ ଜଣ କରୋନା ଆକ୍ରାନ୍ତ ମାନେ ସମସ୍ତ କ୍ୱାରେଣ୍ଟାଇନ କେନ୍ଦ୍ରରେ ଥିଲେ ଓ ଏମାନଙ୍କ ମଧ୍ୟରୁ à­©à­¦ ଜଣ ପଶ୍ଚିମ ବଙ୍ଗ ଫେରନ୍ତା ହୋଇଥିବା ବେଳେ ଜଣେ ଝାଡଖଣ୍ଡ ଫେରନ୍ତା ରହିଛନ୍ତି । ସେହିପରି ଖୋର୍ଦ୍ଧା ଜିଲ୍ଲାର ତିନି ଜଣଙ୍କ ମଧ୍ୟରୁ ଜଣେ ପଶ୍ଚିମ ବଙ୍ଗ ଓ ଜଣେ ସୁରତ ଫେରନ୍ତା ରହିଥିବାବେଳେ ଜଣେ ହୋମ କ୍ୱାରେଣ୍ଟାଇନରେ ଥିଲେ । କଟକ ଜିଲ୍ଲାର ଛ’ଜଣ ଆକ୍ରାନ୍ତ ଅହମଦାବାଦରୁ ଫେରିଥିଲେ ତଥା ସେମାନେ କ୍ୱାରେଣ୍ଟାଇନ କେନ୍ଦ୍ରରେ ଥିଲେ । ନୟାଗଡ ଜିଲ୍ଲାର ଦୁଇ ଜଣ ଆକ୍ରାନ୍ତ ସୁରତ ଫେରନ୍ତା ଓ ସେମାନେ କ୍ୱାରେଣ୍ଟାଇନରେ ଥିଲେ । ପୁରୀ ଜିଲ୍ଲାରେ ସଂକ୍ରମିତ ଚାରି ଜଣ ପଶ୍ଚିମ ବଙ୍ଗ ଫେରନ୍ତା ଓ ସେମାନେ ମଧ୍ୟ କ୍ୱାରେଣ୍ଟାଇନ କେନ୍ଦ୍ରରେ ଥିଲେ । ସେହିପରି ମୟୂରଭଞ୍ଜ ଜିଲ୍ଲାର ଦୁଇ ଜଣ ଆକ୍ରାନ୍ତ ମାନେ ସୁରତରୁ ଫେରିଥିଲେ ଓ ସେମାନେ କ୍ୱାରେଣ୍ଟାଇନ କେନ୍ଦ୍ରରେ ଥିଲେ । ଗଞ୍ଜାମ ଜିଲ୍ଲାର ୧୩ ଜଣ ଆକ୍ରାନ୍ତଙ୍କ ମଧ୍ୟରୁ ୧୨ ଜଣ ସୁରତ ଫେରନ୍ତା ହୋଇଥିବା ବେଳେ ସେମାନେ କ୍ୱାରେ ଣ୍ଟାଇନରେ ଥିଲେ । ଜଣେ ହୋମ କ୍ୱାରେଣ୍ଟାଇନରେ ଥିଲେ । ସେହିପରି କେନ୍ଦ୍ରାପଡାର ଚାରି ଜଣ ଆକ୍ରାନ୍ତ ସୁରତ ଫେରନ୍ତା ତଥା ସେମାନେ ମଧ୍ୟ କ୍ୱାରେଣ୍ଟାଇନ ସେଣ୍ଟରରେ ଥିବା ବିଭାଗ ପକ୍ଷରୁ ସୂଚନା ଦିଆ ଯାଇଛି ।

ରୋଗୀର ଚିକିତ୍ସା ନକଲେ ଘରୋଇ ହସ୍ପିଟାଲ ଲାଇସେନ୍ସ ରଦ୍ଦ ହେବ

Read More...

ମାଡ଼ି ଆସୁଛି ‘ଅମ୍ଫାନ୍‌’, ପଶ୍ଚିମବଙ୍ଗରେ ସ୍ଥଳଭାଗ ଛୁଇଁବ, ପ୍ରଭାବିତ ହେବେ ଉପକୂଳ ଓଡିଶା

Read More...