ଉଗ୍ର ହେଉଛି ‘ଅମ୍ଫାନ’

Anupambharat News Bureau
May 18, 2020

ଭୁୁବନେଶ୍ୱର, ୧୭ା୫(ଅନୁପମମିଡ଼ିଆ):­ ବଙ୍ଗୋପ ସାଗରରେ ସୃଷ୍ଟି ବାତ୍ୟା ‘ଅମ୍ଫାନ’ ଉଗ୍ର ରୂପ ଧାରଣ କରିବାରେ ଲାଗିଛି । ଆଗାମୀ ୨୪ ଘଣ୍ଟା ମଧ୍ୟରେ ଏହା ସିଭିୟର ସାଇକ୍ଲୋନିକ ଷ୍ଟର୍ମରୁ ଏକ୍ସଟ୍ରିମଲି ସିଭିୟର ସାଇକ୍ଲୋନିକ ଷ୍ଟର୍ମର ରୂପ ନେବା ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି । ବର୍ତ୍ତମାନ ଏହାର ଉତ୍ତର- ପଶ୍ଚିମ ଦିଗରେ ଘଣ୍ଟାକୁ ୫କିମି ବେଗରେ ଗତି କରିବାରେ ଲାଗିଛି । ପାଣିପାଗ ବିଭାଗ ଦ୍ୱାରା ଜାରୀ ବୁଲେଟିନରେ କୁହାଯାଇଛି ଯେ, ବର୍ତ୍ତମାନ ଅମ୍ଫାନ ଦକ୍ଷିଣ ପୂର୍ବ ବଙ୍ଗୋପ ସାଗରରେ ପାରାଦୀପ ଠାରୁ ୯୬୦ କିମି, ଦୀଘାରୁ ୧୧୧୦ କିମି ଓ ବଙ୍ଗଳାଦେଶର ଖେପୁପାରାଠାରୁ ୧୨୩୦ କିମି ଦୂରରେ ରହିଛି । ଆଗାମୀ ୨୦ ତାରିଖ ଦିନ ଅମ୍ଫାନ ପଶ୍ଚିମବଙ୍ଗର ଦୀଘା ଓ ବଙ୍ଗଳାଦେଶର ହାତିଆ ଦ୍ୱୀପ ଦେଇ ସ୍ଥଳ ଭାଗ ଅତିକ୍ରମ କରିବ ବୋଲି ଭାରତୀୟ ପାଣିପାଗ ବିଭାଗ ଦ୍ୱାରା ପୂର୍ବାନୁମାନ କରାଯାଇଛି । ଧିରେ ଧିରେ ଅମ୍ଫାନ ଆସୁଥିବାରୁ ନିଜର ସମସ୍ତ ବଳ ଗୋଟାଇବାରେ ଲାଗିଛି । ରବିବାର ସନ୍ଧ୍ୟାରେ ଏହା ଭେରୀ ସିଭିୟର ସାଇକ୍ଲୋନିକ ଷ୍ଟର୍ମ ରୂପ ନେଇଛି । ଆଗାମୀ ୧୨ ଘଣ୍ଟା ମଧ୍ୟରେ ଏହା ଗତି ପଥ ବଦଳାଇବ । ୨୦ ତାରିଖ ସନ୍ଧ୍ୟାରେ ଏହା ପଶ୍ଚିମ ବଙ୍ଗର ଦୀଘା ଓ ବଙ୍ଗଳାଦେଶର ହାତିଆ ଦ୍ୱୀପ ଦେଇ ସ୍ଥଳ ଭାଗ ଅତିକ୍ରମ କରିବ । ଏହାର ପ୍ରଭାବରେ ୧୮ ତାରିଖ ଠାରୁ ଉପକୂଳ ଓଡିଶାରେ ୪୫ ରୁ à­«à­« କିମି ବେଗରେ ପବନ ବହିବ । ୧୯ ତାରିଖ ଦିନ ଏହା ବୃଦ୍ଧି ପାଇ ୭୫ରୁ ୮୫ କିମି ହେବ । ୨୦ ତାରିଖ ସନ୍ଧ୍ୟାରେ ଏହାର ପ୍ରଭାବରେ ୧୧୦ରୁ ୧୨୦ କିମି ବେଗରେ ପବନ ବହିବାର ସମ୍ଭାବନା ରହିଛି ।

ରାଜ୍ୟରେ ୯୧ ନୂଆ ପଜିଟିଭ ଚିହ୍ନଟ

Read More...

୩୧ ପର୍ଯ୍ୟନ୍ତ ଲକ୍‌ଡ଼ାଉନ୍‌ ବଢ଼ିଲା, ଆଜିଠୁ ଚତୁର୍ଥ ପର୍ଯ୍ୟାୟ ତାଲାବନ୍ଦ, ବିଭିନ୍ନ ଜୋନ ସ୍ଥିର କରିବେ ରାଜ୍ୟ ସରକାର

Read More...