Anupambharat News Bureau
କେନ୍ଦୁଝର, ୨୯ା୫ (ଅନୁପମ ଭାରତ): କେନ୍ଦୁଝର ସହରର ଜାତୀୟ ରାଜପଥ-୪୯ ପାଶ୍ୱର୍ରେ ବସ,ଟ୍ରକ ଏବଂ ଅନ୍ୟାନ୍ୟ ଛୋଟ ଗାଡିରେ ଯାଉଥିବା ହଜାର ହଜାର ପ୍ରବାସୀ ଶ୍ରମିକଙ୍କୁ ଶୁଖିଲା ଖାଦ୍ୟ ଓ ପାଣି ବୋତଲ ବଣ୍ଟ ନ କରି ଉଦାହରଣ ସୃଷ୍ଟି କରିଛନ୍ତି ହିନ୍ଦୁ-ମୁସଲିମ ଭାଇମାନେ । ପବିତ୍ର ଇଦ୍ ଉଲ ଫିତରଠାରୁ ସହରର କିଛି ହିନ୍ଦୁ ଓ ମୁସଲିମ ଭାଇ କରୋନା ଭଳି ମହା ବିପତ୍ତି ସମୟରେ ମିଳିତଭାବେ ଏହି ସେବା କାର୍ଯ୍ୟ ଆରମ୍ଭ କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ଜାତୀୟ ରାଜପଥ ୪୯ର କରଞ୍ଜିଆ ବସଷ୍ଟାଣ୍ଡ ନିକଟରେ ଏକ ଟେଣ୍ଟ କରି ଦୈନନ୍ଦିନ ଦିନରାତି ଏହି ଜାତୀୟ ରାଜପଥ ଦେଇ ଯାଉଥିବା ପ୍ରବାସୀ ଶ୍ରମିକମାନଙ୍କୁ ପାଣି ବୋତଲ,କଦଳୀ,ବିସ୍କୁଟ,ମିଠା,ଫ୍ରୁଟି,ଗ୍ଲୋବସ,ମାସ୍କ ଆଦି ବଣ୍ଟନ କରାଯାଉଛି । ସହରର କିଛି ବଦାନ୍ୟ ବ୍ୟକ୍ତି ଏହି ମହତ୍ କାର୍ଯ୍ୟ ପାଇଁ ସହଯୋଗର ହାତ ବଢାଇଛନ୍ତି । ହିନ୍ଦୁ-ମୁସଲିମ ଭାଇଙ୍କ ଏହି ସେବା କାର୍ଯ୍ୟରେ ନୁର ମହମ୍ମଦ,ହବିବୁର ରେହମାନ,ମହମ୍ମଦ ୱାରିସ,ମହମ୍ମଦ ମୁନାଜିର,ପବନ ପାଣ୍ଡେ,ବୁଲୁ ସାହୁ,ମୋହନ ପଣ୍ଡିତ,ଜଳନ୍ଧର ଶର୍ମା,ଅମିତ୍ କୁମାର,ୱାସିମ ରାଜା,ମହମ୍ମଦ ଇଜ୍ରି.ହୟାଜ୍ ହୁସେନ,ମହମ୍ମଦ ମୋକମ୍ ପ୍ରମୁଖ ସମାଜସେବୀ ଏହି ସେବା କାର୍ଯ୍ୟରେ ନିୟୋଜିତ ଅଛନ୍ତି । ହିନ୍ଦୁ-ମୁସଲିମ ଭାଇମାନଙ୍କ ଏଭଳି ସେବା କାର୍ଯ୍ୟ କେନ୍ଦୁଝରରେ ଉଭୟ ସଂପ୍ରଦାୟ ମଧ୍ୟରେ ଭାଇଚାରାର ଅନନ୍ୟ ଉଦାହରଣ ସୃଷ୍ଟି କରିଛି ।
