Anupambharat News Bureau
କେନ୍ଦୁଝର, ୫ା୬: ବିଶ୍ୱ ପରିବେଶ ଦିବସ ଅବସରରେ ହଳଦିଆଗୁଣାସ୍ଥିତ ଏମ୍ଏସ୍ପି ସ୍ପଞ୍ଜ ଆଇରନ କାରଖାନା ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଶ୍ୱ ପରିବେଶ ଦିବସରେ ପ୍ରତିବର୍ଷ ପରି ଚଳିତବର୍ଷର ସ୍ଲୋଗାନ ‘ଜୈବ ବିବିଧତା’ ଶୀର୍ଷକ କାର୍ଯ୍ୟକ୍ରମରେ କମ୍ପାନୀର ସଭାପତି ଇଂ ଦେବବ୍ରତ ସ୍ୱାଇଁଙ୍କ ଅଧ୍ୟକ୍ଷତାରେ କର୍ମଚାରୀମାନେ ଏକତ୍ରିତ ହୋଇ ବୃକ୍ଷରୋପଣ କାର୍ଯ୍ୟକ୍ରମକୁ ସଫଳ କରିଥିଲେ । ସଂପ୍ରତି କୋଭିଡ୍-୧୯ ମହାମାରୀ ସମୟରେ ଏମ୍ଏସ୍ପି ଫାୟାର ବ୍ରିଗେଡ ତରଫରୁ ବିଭିନ୍ନ ଅନୁଷ୍ଠାନ, ଗ୍ରାମ, ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ନିକଟବର୍ତ୍ତୀ ବଜାର ଏବଂ ଜନଗହଳିପୂର୍ଣ୍ଣ ଅଞ୍ଚଳକୁ ବିଶୋଧିତ କରିଥିବାରୁ ସମସ୍ତ ଅଗ୍ନି ନିରୋଧକ କର୍ମଚାରୀମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏଥିସହିିତ ଚଳିତବର୍ଷ ପାଇଁ ୩ହଜାର ବୃକ୍ଷରୋପଣ କାର୍ଯ୍ୟକ୍ରମକୁୁ ସଫଳ କରିବାକୁ ସ୍ଥିରୀକୃତ କରାଯାଇଛି । ଏହି କାର୍ଯ୍ୟକ୍ରମରେ କମ୍ପାନୀର ସଞ୍ଜୟ କୁମାର ସାହୁ, ଆଦିତ୍ୟ ଦାସ, ତାପସ ଆଚାର୍ଯ୍ୟ, ବେଣୁଧର ମହାନ୍ତ, ପ୍ରିୟବ୍ରତ ସାମଲ, ହେମନ୍ତ ମହାକୁଡ, ସତ୍ୟବ୍ରତ ସାହୁ ପ୍ରମୁଖ ଉପସ୍ଥିତ ଥିଲେ ।
