Anupambharat News Bureau
ବ୍ରହ୍ମପୁର,୧୩ା୭(ଅନୁପମ ମିଡ଼ିଆ): କରୋନା ସଂକ୍ରମଣ ଭୟକୁ ଦୃଷ୍ଟିରେ ରଖି ମଙ୍ଗଳବାରଠାରୁ ବ୍ରହ୍ମପୁରର ସମସ୍ତ ସୀମା ସିଲ୍ କରାଯାଇଛି । ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ଏହା ବଳବତ୍ତର ରହିବ ବୋଲି ବିଏମ୍ସି କମିଶନର ଚକ୍ରବର୍ତ୍ତି ସିଂ ରାଠୋର ସୂଚନା ଦେଇଛନ୍ତି । ସେହିଭଳି ସକାଳ ୫ ଟା ଠାରୁ ଅପରାହ୍ନ ୪ ଟା ପର୍ଯ୍ୟନ୍ତ ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ଖୋଲା ରହିବ ବୋଲି କୁହାଯାଇଛି । ଅନୁରୂପ ଭାବେ ଗତ ୯ତାରିଖରୁ ବିଏମ୍ସି ସମେତ ଜିଲ୍ଲାର ସମସ୍ତ ଏନ୍ଏସି ଏବଂ ପାଞ୍ଚ ବ୍ଳକର ସଦରମହକୁମାରେ ଜାରି କରାଯାଇଥିବା ସଟଡାଉନକୁ ଉଠାଇ ଦିଆଯାଇଛି । ଆଜି ବ୍ରହ୍ମପୁର ଟାଉଲ ହଲ ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମହାନଗର ନିଗମ କମିଶନର ଚକ୍ରବର୍ତ୍ତିଂ ସିଂ ରାଠୋର ଓ ବ୍ରହ୍ମପୁର ଏସପି ପିନାକ ମିଶ୍ର ଯୋଗ ଦେଇ ଆସନ୍ତାକାଲି ଠାରୁ ବ୍ରହ୍ମପୁର ରାଜା ସାହି, ବାଚୁୟାରି ସାହି, ପନ୍ଦରା ସାହି, ଦେଶୀବେହେରା ସାହି, ଗୁଢ଼ଗୁରୁଜୀ, କେଉଟ ସାହି, ଜେନା ସାହି, ସଙ୍କରପୁର ସାହି, ନଡିଆ ଗୁରୁଜୀ ଓ ଅଞ୍ଚଳରେ ମାଲବାହି ଗାଢ଼ିକୁ ପ୍ରବେଶ ସୁଯୋଗ ଦିଆଯିବ ବୋଲି ପ୍ରକାଶ କରିଥିବା ବେଳେ ସକାଳେ ୧୦ ଟା ପର୍ଯ୍ୟନ୍ତ ଆଳୁ ପିଆଜ କଦଳୀ ହୋଲସେଲ ବ୍ୟବସାୟ ହୋଇପାରିବ ସେହିପରି ୧୧ ଟାରୁ ୪ ଟା ପର୍ଯ୍ୟନ୍ତ ତେଜରାତି ସାମଗ୍ରୀ ହୋଲସେଲ ଦୋକାନ ଖୋଲାରହିବ ବୋଲି କୁହଯାଇଥିବା ବେଳେ ଔଷଧ ହୋଲସେଲ୍ ଦେକାନା ସକାଳ ୫ ଟାରୁ ୪ ଟା ପର୍ଯର୍୍ୟନ୍ତ ଖୋଲା ରହିବ । ଅନ୍ୟପକ୍ଷରେ ଆମିଷ ଦେକାନା ସ୍ଥାୟୀ ଗୃହରେ ହିଁ ବିକ୍ରି କରିପାରିବ ବୋଲି କହିଥିବା ବେଳେ ଆସନ୍ତା କାଲି ଠାରୁ ଏମ୍କେସିଜି ରୋଡ କମ୍ମାପଲ୍ଲୀ, ଗେଟବଜାର, ହରିଡାଖଣ୍ଡି, ଗିରିମାର୍କେଟର ଓ ଆଖପାଖ ଅସ୍ଥାୟୀ ବଜାର ବନ୍ଦ ରହିବ ବୋଲି କୁହାଯାଇଛି । ପରିବା, ଫଳ, ତେଜରାତି, ମେଡିସିନ୍, କୃଷିଉପକରଣ ଆଦିକୁ କାଉଣ୍ଟର ସେଲ କୁ ଅନୁମତି ଦିଆଯାଇ ନାହିଁ । ଅନ୍ୟପକ୍ଷରେ ବ୍ରହ୍ମପୁରକୁ କୌଣସି ଲୋକ ଆସିପାରିବେନି କି ଯାଇପାରିବେ ନାହିଁ । କେବଳ ଜରୁରୀ କାଳିନ ପରିସ୍ଥିିତିରେ ଜନସାଧାରଣ ୧୦୦ ନଂ କୁ ଅବଗତ କରି ଯାତାୟତ କରିପାରିବେ ବୋଲି ସୂଚନା ମିଳିଛି । ବ୍ରହ୍ମପୁରର ସୀମାକୁ ସିଲ କରି ୧୧ ପ୍ଳାଟୁନ ଫୋର୍ସ ଓ ଅଫିସର ନିୟୋଜିତ ରହିବେ ବୋଲି ବ୍ରହ୍ମପୁର ଏସପି ପିନାକ ମିଶ୍ର ସୂଚନା ଦେଇଛନ୍ତି । ବଡବଜାରର ୧୦ ଟି ସାହିକୁ କେବଳ ବ୍ୟବସାୟୀ ଯାଇପାରିବେ କିନ୍ତୁ ସର୍ବସାଧାରଣଙ୍କ ପ୍ରବେଶ ନିଷେଧ କରାଯାଇଛି । ସେହିପରି କରୋନାକୁ ଦୃଷ୍ଟି ରଖି ଜରୁରି କାଳୀନ ସେବାପାଇଁ ନିଗମ ପକ୍ଷରୁ ହେଲ¬ଇାଇନ ନଂ ୦୬୮୦-୨୨୫୦୨୯୦ ସହ ଯୋଗଯୋଗ କରିବା ପାଇଁ କୁହାଯାଇଛି । ପ୍ରତ୍ୟେକ ଜନସାଧାରଣ କରୋନା କଟକଣା ନିୟମ ମାନିବାକୁ ଏସପି ମିଶ୍ର ଏଠାରେ ନିବେଦନ କରିଥିଲେ ।
