Anupambharat News Bureau
ନୂଆଦିଲ୍ଲୀ : ଆଜି କାରଗିଲ ଯୁଦ୍ଧ- ଅପରେସନ୍ ବିଜୟକୁ ୨୧ବର୍ଷ ହେଲା । ୧୯୯୯ ଜୁଲାଇ ୨୬ରେ ପାକିସ୍ତାନକୁ ପରାଜିତ କରି କାରଗିଲ ଯୁଦ୍ଧରେ ବିଜୟ ହାସଲ କରିଥିଲା ଭାରତ । ୧୮ହଜାର ଫୁଟ ଉଚ୍ଚରେ ପ୍ରାୟ ୨ମାସ କାଳ ଚାଲିଥିବା ଏହି ଯୁଦ୍ଧରେ ଭାରତୀୟ ସେନା ଯେପରି ପ୍ରବଳ ପରାକ୍ରମ ପ୍ରଦର୍ଶନ କରିଥିଲା, ଦେଶବାସୀ ଏଥିରେ ଏବେ ବି ଗର୍ବ ଅନୁଭବ କରନ୍ତିଛ । ବିଜୟ ଦିବସରେ କାରଗିଲ ଯୁଦ୍ଧ ସଂକ୍ରାନ୍ତ କେତେକ ସ୍ୱତନ୍ତ୍ର କାହାଣୀ କାରଗିଲ ଯୁଦ୍ଧ ଭୂମିରେ ଶତ୍ରୁକୁ ଏକାଠି ସାମ୍ନା କରିଥିଲେ ଲେପଫନାଣ୍ଟ ଜେନେରାଲ ଏ.ଏମ୍. ଅଲ୍ ଏବଂ ତାଙ୍କର ଏକମାତ୍ର ପୁତ୍ର କର୍ଣ୍ଣେଲ ଅମିତ ଅଲ୍ । ବୋଧହୁଏ ଲେପଫନାଣ୍ଟ ଅଲ୍ ଏକମାତ୍ର କମାଣ୍ଡର ଯିଏ ନିଜ ପୁଅ ସହିତ ଯୁଦ୍ଧ ଭୂମିରେ ଲଢିଛନ୍ତି ।
କାରଗିଲ ଯୁଦ୍ଧ ବେଳେ ୫୬ ମାଉଣ୍ଟେନ୍ ବ୍ରିଗେଡର କମାଣ୍ଡର ଥିଲେ ଲେଫଫନାଣ୍ଟ ଅଲ୍ । ଏହି ବ୍ରିଗେଡ ତୋଲୋଲିଙ୍ଗ ଏବଂ ଟାଇଗର ହିଲ୍ କବ୍ଜା କରିଥିଲା । ପୁଅ କର୍ଣ୍ଣେଲ ଅମିତ ତତ୍କାଳୀନ ୩/୩ ଗୋର୍ଖା ରାଇଫଲ୍ସର ସେକେଣ୍ଡ ଲେପଫନାଣ୍ଟ ଭାବେ ମାର୍ପୋଲା ଅଞ୍ଚଳରୁ ଯୁଦ୍ଧ ପରିଚାଳନା କରୁଥିଲେ । ଅମିତଙ୍କ କହିବା ଅନୁସାରେ ମା’ଙ୍କୁ ଯୁଦ୍ଧ ସ୍ଥିତି ସମ୍ପର୍କରେ ସବୁକିଛି ନଜଣାଇବା ଏବଂ ଜଣେ ସୈନିକ ଭାବେ ସାହସ ଏବଂ ନିଷ୍ଠାର ସହ ଯୁଦ୍ଧ ଲଢିବା ଲାଗି ପିତା ତାଙ୍କୁ ପରାମର୍ଶ ଦେଇଥିଲେ । ଅମିତ ନିଜର ଶେଷ ଚିଠି ମଧ୍ୟ ୟୁନିଟକୁ ପଠାଇ ଦେଇଥିଲେ ଯାହା ଜଣେ ସୈନିକ ସହିଦ ହେବା ପରେ ତାଙ୍କ ପରିବାରକୁ ପ୍ରଦାନ କରାଯାଇଥାଏ । ଉଭୟ ପିତା-ପୁତ୍ର ନିଜନିଜ ଅଞ୍ଚଳରେ ସାହସିକତାର ସହ ଯୁଦ୍ଧ ଲଢୁଥିଲେ । ଯୁଦ୍ଧ ସମୟରେ ସେମାନଙ୍କ ମଧ୍ୟରେ କୌଣସି ସମ୍ପର୍କ ନଥିଲା । ଏପରିକି ଯୁଦ୍ଧ ଶେଷ ହେବାର ଦୁଇମାସ ପରେ ପିତା-ପୁତ୍ରଙ୍କର ସାକ୍ଷାତ ହୋଇଥିଲା । ଉଭୟଙ୍କୁ ସାହସିକତା ପାଇଁ ସମ୍ମାନିତ କରାଯାଇଥିଲା । ଲେପଫନାଣ୍ଟ ଜେନେରାଲ ଅଲ୍ େୱଷ୍ଟର୍ଣ୍ଣ କମାଣ୍ଡର ଚିଫ୍ ଅଫ୍ ଷ୍ଟାଫ୍ ପଦରୁ ଅବସର ଗ୍ରହଣ କରିଛନ୍ତି । ୧୯୯୯, ଜୁଲାଇ ୧୩ । କାରଗିଲ ଯୁଦ୍ଧରେ ମେଜର ଡିପି ସିଂହ ଅଖ୍ନୁର ସେକଫରରେ ଏକ ପୋଷ୍ଟ ଦାୟିତ୍ୱରେ ରହିଥିଲେ । ତାଙ୍କ ଟିମ୍ରେ ୩୦ଜଣ ଯବାନ୍ ରହିଥିବା ବେଳେ ଶତ୍ରୁ ପୋଷ୍ଟଠାରୁ ମାତ୍ର ୮୦ ମିଟର ଦୂରରେ ଥିଲେ ସେମାନେ । ଦୁଇଦିନ ଗୁଳିମାଡ ବନ୍ଦ ରହିବା ପରେ ୧୫ତାରିଖରେ ପୁଣି ଆରମ୍ଭ ହୋଇଗଲା । ମେଜର ସିଂହ ବଙ୍କର ବାହାରେ ଶତ୍ରୁକୁ ସାମ୍ନା କରୁଥିବା ବେଳେ ଶତ୍ରୁପକ୍ଷରୁ ତାଙ୍କ ଆଡକୁ ଦୁଇଟି ମୋର୍ଟାର ମାଡ କରାଗଲା ।
ଗୋଟିକରୁ ସେ ସୁରକ୍ଷିତ ରହିଗଲେ ମଧ୍ୟ ଆରଟି ତାଙ୍କଠାରୁ ମାତ୍ର ଦେଢ ମିଟର ଦୂରରେ ପଡିଲା । ଏହି ବିସ୍ପୋରଣରେ ଗୁରୁତର ଆହତ ହୋଇଥିଲେ ସେ । ତାଙ୍କୁ ଚାରିଜଣ ସାଥୀ ଅଖ୍ନୁର ହସ୍ପିଟାଲ ନେଇଆସିଲେ । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କଲେ । ହଠାତ୍ ସେଦିନ ପରିଦର୍ଶନରେ ଆସିଥିବା ଜଣେ ବରିଷ୍ଠ ଡାକ୍ତର ଦେଖିଲେ ଡିପିଙ୍କ ଶ୍ୱାସକ୍ରିୟା କ୍ଷୀଣ ହେଲେ ବି ଚାଲୁଛି । ସେ ତୁରନ୍ତ ଚିକିତ୍ସା ଆରମ୍ଭ କଲେ ଏବଂ ବଞ୍ଚିଗଲେ ଡିପି । ଗୋଟିଏ ଗୋଡ, ଅନ୍ତନଳୀର କିଛି ଅଂଶ କଟାଯିବା ସହ ଆଉ କେତେକ ଅସ୍ତ୍ରୋପଚାର କରାଯାଇଥିଲା । ପ୍ରାୟ ବର୍ଷେକାଳ ହସ୍ପିଟାଲରେ ରହିଲେ ସେ । ତେବେ ଡିପିଙ୍କ ମନୋବଳ କମି ନଥିଲା । ୨୦୦୯ରେ ମାରାଥନରେ ଭାଗ ନେବା ସହ ୨୦୧୧ରେ ସେ ହେଲେ ଦେଶର ପ୍ରଥମ ବ୍ଲେଡ ରନର । ଏସିଆର ପ୍ରଥମ ଦିବ୍ୟାଙ୍ଗ ଭାବେ ସେ ନାସିକରେ ସ୍କାଇ ଡାଇଭିଂ ବି କରିସାରିଛନ୍ତି । ଲିମPା ବୁକ୍ ଅଫ୍ ରେକର୍ଡରେ ସେ ଚାରିଥର ସ୍ଥାନିତ ହୋଇଛନ୍ତି । ନିଜର ଅଙ୍ଗ ଏବଂ ଅସ୍ଥିମଜ୍ଜା ଦାନ କରିବା ଲାଗି ନିଷ୍ପତ୍ତି ନେଇଥିବା ମେଜର ସିଂହ ଜୁଲାଇ ୧୫କୁ ନିଜ ମୃତ୍ୟୁବାର୍ଷିକୀ ଏବଂ ପୁନର୍ଜନ୍ମର ଦିନ ଭାବେ ବି ପାଳନ କରନ୍ତି ।
ଦିବ୍ୟାଙ୍ଗମାନଙ୍କ ଲାଗି ସେ ଏକ ଏନ୍ଜିଓ ଦି ଚ୍ୟାଲେଞ୍ଜିଂ ୱାନ୍ସ ବି ପ୍ରତିଷ୍ଠା କରିଛନ୍ତି । ତାଙ୍କୁ ନ୍ୟାସନାଲ ଆୱାର୍ଡ ଏବଂ କେଭିନ୍ କେୟାର ଆୱାର୍ଡରୁ ମିଳିଥିବା ୨ଲକ୍ଷ ଟଙ୍କା ପୁରସ୍କାର ରାଶି ସେ ସେନାର େୱଲଫେୟାର ଫଣ୍ଡକୁ ଦାନ କରିଛନ୍ତି । କାରଗିଲ ଯୁଦ୍ଧରେ ଦେଶର ସୈନିକଙ୍କୁ ସହଯୋଗ କରିବା ଲାଗି ଅଣ୍ଟା ଭିଡି ଆଗେଇ ଆସିଥିଲେ ଲଦ୍ଦାଖର ଯୁବକମାନେ । ସେମାନେ ସେ୍ୱଚ୍ଛାରେ ଏହି ସହଯୋଗ କରିଥିଲେ । ଏମାନଙ୍କ ମଧ୍ୟରୁ ଲଦ୍ଦାଖର ଲୋୟର ଲେହ ଗ୍ରାମ ବାସିନ୍ଦା ମହମ୍ମଦ ଅଖ୍ତର ଏବଂ ଆଉ ଜଣେ ବାସିନ୍ଦା ରିଗkିନ୍ ନାମଗ୍ୟାଲଙ୍କ କାମ ବିଶେଷ ଭାବେ ସ୍ମରଣୀୟ । ଅଖ୍ତର ଜୁବରହିଲwାରେ ରାତିରାତି ଅନିଦ୍ରା ରହି ୨୦କିଲୋମିଟର ଲେଖାଏଁ ଚାଲିଚାଲି ଯାଇ ସେନା ପର୍ଯ୍ୟନ୍ତ ଆବଶ୍ୟକ ସାମଗ୍ରୀ ଯୋଗାଉଥିଲେ । ସେହିପରି ରିଗkିନ ପାହାଡିଆ ରାସ୍ତାରେ ଟ୍ରକ୍ ଚଳାଇ ଜରୁରୀ ସାମଗ୍ରୀ ସେନା ନିକଟରେ ପହଞ୍ଚାଉଥିଲେ । ୬୪ବର୍ଷରେ ପହଞ୍ଚିଥିବା ପି. ଆଙ୍ଗଚୁକ୍ ଏବେ ବି ଦେଶ ପାଇଁ ସଂଗ୍ରାମରେ ସାମିଲ ହେବାକୁ ଆଗଭର । କାରଗିଲ ଯୁଦ୍ଧ ବେଳେ ସେ ବେସ୍ କ୍ୟାମ୍ପ ଯାଏ ତୋପ ଗୋଳା, ଚାଉଳ, ଡାଲି, ଚିନି ଏବଂ ଅନ୍ୟାନ୍ୟ ସାମଗ୍ରୀ ବୋହି ନେଉଥିଲେ । ସେନାର ସହାୟତା କରିବାରେ ଲଦ୍ଦାଖ ଅଞ୍ଚଳର ମହିଳାମାନେ ବି ପଛାଇ ନଥିଲେ । ରିନେନ୍ ଲାମୋ ନାମକ ଜଣେ ମହିଳା କାରଗିଲ ଯୁଦ୍ଧ ସମୟରେ ଗ୍ରାମର ମହିଳାମାନଙ୍କୁ ଏକାଠି କରି ଖାଦ୍ୟ ପ୍ରସ୍ତୁତ କରାଇ ସେନା ନିକଟକୁ ପଠାଉଥିଲେ । ଅର୍ଗାନିକ ଖାଦ୍ୟ ଖାଇଲେ ସୈନିକମାନଙ୍କୁ ବଳ ମିଳିବ ଏବଂ ସେମାନେ ସୁସ୍ଥ ରହି ଶତ୍ରୁ ସହ ଲଢିପାରିବେ ବୋଲି ସେମାନଙ୍କର ଉଦ୍ଦେଶ୍ୟ ଥିଲା । ପ୍ରଥମେ ଯୁଦ୍ଧ ପରିସ୍ଥିତିରେ ସେନା ପାଖକୁ ଯିବା ଲାଗି ସେମାନଙ୍କୁ ଭୟ ଲାଗିଥିଲା । ତେବେ ପାକିସ୍ତାନକୁ ପରାଜିତ କରିବାର ନିଶା ସେମାନଙ୍କୁ ବି ଏମିତି ଘାରିଲା ଯେ ଗୁଳିଗୋଳାର ଭୟ ଆଉ ରହିଲା ନାହିଁ ବୋଲି ଏବେ କାରଗିଲ ଘଟଣାକୁ ମନେପକାଇ ସ୍ଥାନୀୟ ବାସିନ୍ଦା କହନ୍ତି । ବିନା ଅସ୍ତ୍ରଶସ୍ତ୍ର ଏବଂ ସେନା ପୋଷାକରେ ବି ଦେଶସେବା କରାଯାଇପାରେ ବୋଲି ଏହି ସାଧାରଣ ନାଗରିକମାନେ ପ୍ରମାଣ କରିଥିଲେ । ଏବେ ଗଲୱାନାରେ ଚୀନ୍ ଦୁଃସାହସ ଦେଖି ଯେକୌଣସି ପରିସ୍ଥିତିରେ ସେନାର ସହାୟତା ପାଇଁ ସେମାନେ ବି ଅଣ୍ଟା ଭିଡି ବସିଛନ୍ତି ।
