Anupambharat News Bureau
କରାଚୀ: ମେ ମାସ ପରଠାରୁ ପାକିସ୍ତାନକୁ ସାଉଦି ଆରବରୁ ଋଣରେ ଅଶୋଧିତ ତୈଳ ମିଳୁନାହିଁ । ଯୋଗାଣ କାରୀଙ୍କଠାରୁ ଏହି ସୁବିଧା ଜାରି କରିବା ପାଇଁ ପାକିସ୍ତାନ କୌଣସି ଉତ୍ତର ମଧ୍ୟ ପାଇନାହିଁ ।
ରିପୋର୍ଟ ଅନୁଯାୟୀ, ଉଭୟ ପକ୍ଷଙ୍କ ମଧ୍ୟରେ ଏହି ବାବଦରେ ୩.୨ ଅରବ ଡଲାରର ଚୁକ୍ତିନାମା ହୋଇଥିଲା ଯାହା ଦୁଇ ମାସ ପୂର୍ବରୁ ସମାପ୍ତ ହୋଇଯାଇଛି । ଏହି ବ୍ୟବସ୍ଥାକୁ ବିସ୍ତାର କରିବାକୁ ପାକିସ୍ତାନ ସାଉଦି ଆରବକୁ ଅନୁରୋଧ କରିଛି, କି;ୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ମିଳିନାହିଁ । ନ୍ୟୁଜ ଏଜେନ୍ସି ଅନୁସାରେ, ସାଉଦି ଆରବ ୨୦୧୮ ନଭେମ୍ବର ମାସରେ ପାକିସ୍ତାନର ବାହାର ଅଞ୍ଚଳର ଚିନ୍ତା ଦୂର କରିବାକୁ ୬.୨ ଅରବ ଡଲାରର ପ୍ୟାକେଜ ଘୋଷଣା କରିଥିଲା । ସାଉଦି ଆରବରୁ ୩.୨ ଅରବ ଡଲାରର ଅଶୋଧିତ ତୈଳ ସୁବିଧା ଏହି ପ୍ୟାକେଜର ଅଂଶବିଶେଷ । ପେଟ୍ରୋଲିୟମ ବିଭାଗର ମୁଖପାତ୍ର ସାଜିଦ କାଜି କହିଛନ୍ତି ଯେ ଏହି ମେ’ ମାସରେ ଏହି ଚୁକ୍ତିନାମା ଶେଷ ହୋଇଛି ।
ଅର୍ଥ ବିଭାଗ ଏହାର ନବୀକରଣ କରିବାକୁ ଚେଷ୍ଟା କରୁଛି ସେ କହିଛନ୍ତି ଯେ ସାଉଦି ଆରବ ସରକାରଙ୍କ ଉତ୍ତରକୁ ପାକିସ୍ତାନ ଅପେକ୍ଷା କରିଛି । ବଜେଟ୍ ଆକଳନ ଅନୁଯାୟୀ, ୨୦୨୦-୨୧ ଆର୍ଥିକ ବର୍ଷରେ ସର୍ବନିମ୍ନ ଏକ ବିଲିୟନ ଡଲାର ଅଶୋଧିତ ତୈଳ ପାଇବାକୁ ଆଶା କରିଛି । ପାକିସ୍ତାନର ଆର୍ଥିକ ବର୍ଷ ଜୁଲାଇରୁ ଆରମ୍ଭ ହୋଇଥାଏ । ରିପୋର୍ଟରେ କୁହାଯାଇଛି ଯେ ପାକିସ୍ତାନ ସାଉଦି ଆରବର ଚାରିମାସ ପୂର୍ବରୁ ଏକ ବିଲିୟନ ଡଲାରର ଋଣ ପରିଶୋଧ କରିଛି ।
ସୂତ୍ରରୁ ପ୍ରକାଶ ପାଇଛି । ଯେ, ଯଦି ପାକିସ୍ତାନ ଚୀନ୍ ଠାରୁ ସମାନ ସୁବିଧା ପାଇବ, ତାହେଲେ ଏହା ଦୁଇ ବିଲିଅନ୍ ଡଲାର ନଗଦ ଋଣ ପରିଶୋଧ କରିବାକୁ ସ୍ଥିତିରେ ରହିବ । ସାଉଦି ଆରବ ଠାରୁ ୩ ବିଲିୟନ ଡଲାରର ନଗଦ ସହାୟତା ଏବଂ ବାର୍ଷିକ ୩.୨ ବିଲିୟନ ଡଲାର ଅଶୋଧିତ ତୈଳ ସୁବିଧାରେ ଦୁଇ ବର୍ଷର ନବୀକରଣର ବ୍ୟବସ୍ଥା ରହିଛି ।
