Anupambharat News Bureau
ବାଲେଶ୍ୱର,୪ା୧୧(ଅନୁପମ ମିଡ଼ିଆ):ବାଲେଶ୍ୱର ଜିଲ୍ଲା ଚାନ୍ଦିପୁରସ୍ଥିତ ଗୋଳା ବାରୁଦ ପରୀକ୍ଷଣ କେନ୍ଦ୍ର ଆଇଟିଆରରୁ ମଲଟି ବେରେଲ୍ ରକେଟ୍ ଲଞ୍ଚର ‘ପିନାକ’ର ଆଜି ବ୍ୟାବହାରିକ ପରୀକ୍ଷଣ କରାଯାଇଛି । ପିନାକ ରକେଟ ଲଞ୍ଚରରୁ ମାତ୍ର ୪୪ ସେକେଣ୍ଡରେ ୧୨ଟି ରକେଟ ବିଭିନ୍ନ ଦିଗକୁ ଛଡ଼ା ଯାଇଥିଲା । ଏହି ରକେଟର ଲକ୍ଷଭେଦ କ୍ଷମତା ୭୫ କିଲୋମିଟର ହୋଇଥିବା ବେଳେ ପିଏକ୍ସଇ ପକ୍ଷରୁ ଏହି ପରୀକ୍ଷା କରାଯାଇଥାଏ । ପୁନେସ୍ଥିତ ଆର୍ମାମେଣ୍ଟ ରିସର୍ଚ୍ଚ ଆଣ୍ଡ ଡେଭେଲପମେଣ୍ଟ ଏଷ୍ଟାବ୍ଲିସ୍ମେଣ୍ଟ(ଏଆରଡିଇ) ଓ ହାଇଦ୍ରାବାଦସ୍ଥିତ ଡିଫେନ୍ସ ରିସର୍ଚ୍ଚ ଆଣ୍ଡ ଡେଭେଲପମେଣ୍ଟ ବଲାବୋରୋଟୋରି(ଡିଆର୍ଡିଏଲ୍) ଦ୍ୱାରା ଏହାକୁ ବିକଶିତ କରାଯାଇଛି । ଏହାକୁ ପ୍ରଥମ କରି ୧୯୯୯ କାର୍ଗିଲ୍ ଯୁଦ୍ଧରେ ବ୍ୟବହାର କରାଯାଇଥିଲା । ଏହାକୁ ପ୍ରତିରକ୍ଷା ଗବେଷଣା ଓ ଅନୁସନ୍ଧାନ ପ୍ରତିଷ୍ଠାନ-ଡିଆରଡିଓ ଦ୍ୱାରା ପ୍ରସ୍ତୁତ ଏବଂ ବିକଶିତ କରାଯାଇଛି ।
