Anupambharat News Bureau
ୱାସିଂଟନ,୭ା୧୧: ଆମେରିକାର ନୂଆ ରାଷ୍ଟ୍ରପତି ଭାବେ ଜି.ବାଇଡ଼େନ ନିର୍ବାଚିତ ହୋଇଛନ୍ତି । ଗତ ୩ତାରିଖରେ ଏନେଇ ଭୋଟ ପରେ ଗଣତି ଆରମ୍ଭ ହୋଇଥିଲେ ସୁଦ୍ଧା କିଏ ହ୍ୱାଇଟ ହାଉସ ଦଖଲ କରିବ ସେ ନେଇ ସ୍ପଷ୍ଟ ହୋଇନଥିଲା । ଡେମୋକ୍ରାଟିକ୍ ପାର୍ଟି ପ୍ରାର୍ଥୀ ଜୋ ବାଇଡେନ୍ ୨୮୪ ଇଲେକେଫାରାଲ ଭୋଟ ପାଇଥିବା ବେଳେ ରିପବ୍ଲିକାନ ପ୍ରାର୍ଥୀ ରାଷ୍ଟ୍ରପତି ଡୋନାଲï ଟ୍ରମ୍ପ୍ ୨୧୪ ଭୋଟ ପାଇଛନ୍ତି । ମ୍ୟାଜିକ ସଂଖ୍ୟା ୨୭୦ ରହିଥିବା ବେଳେ ତାଠାରୁ ଅଧିକ ଭୋଟ ପାଇଛନ୍ତି ବାଇଡେନ୍ । ବିଜୟ ପରେ ବାଇଡେନ ଟ୍ୱିଟ୍ କରି ଉଲ୍ଳେଖ କରିଛନ୍ତି ଯେ, ଆମେରିକା ଭଳି ଶ୍ରେଷ୍ଠ ଦେଶର ନେତୃତ୍ୱ ନେବାର ସୁଯୋଗ ମିଳଥିବାରୁ ନିଜକୁ ସମ୍ମାନ ମନେ କରୁଛି । ଆମ ପାଇଁ ଆଗକୁ କଠିନ ସମୟ ରହିଛି । ତେବେ ମୋତେ ଆପଣ ଭୋଟ ଦିଅନ୍ତୁ କି ନାହିଁ ମୁଁ ସମସ୍ତ ଆମେରିକାବାସୀଙ୍କ ରାଷ୍ଟ୍ରପତି । ଆପଣମାନେ ମୋତେ ଏହି ସ୍ଥାନ ଦେଇଛନ୍ତି ବିଶ୍ୱାସରେ କାର୍ଯ୍ୟ କରିବି ବୋଲି ସେ କହିଛନ୍ତି । ଏହି ପୂର୍ବତନ ଉପରାଷ୍ଟ୍ରପତି ଦେଶର ୪୬ ତମ ରାଷ୍ଟ୍ରପତି ହେବାର ସୌଭାଗ୍ୟ ହାସଲ କରିଛନ୍ତି ।
