Anupambharat News Bureau
ଭାରତରେ ନୂଆ ଷ୍ଟ୍ରେନ୍ ଦ୍ୱାରା ଆକ୍ରାନ୍ତ ଚିହ୍ନଟ ପରେ ସରକାର ସତର୍କ ହେବାରେ ଲାଗିଛନ୍ତି । ପୂର୍ବରୁ ମହାରାଷ୍ଟ୍ରରେ ରାତି ୧୧ଟାରୁ ସକାଳ ୬ଟା ପର୍ଯ୍ୟନ୍ତ ନାଇଟ କର୍ଫୁ୍ୟ କରାଯାଇଥିବା ବେଳେ ଏବେ କର୍ଣ୍ଣାଟକରେ ମଧ୍ୟ ରାତି ୧୦ଟାରୁ ସକାଳ ୬ଟା ପର୍ଯ୍ୟନ୍ତ କର୍ଫୁ୍ୟ ଜାରି କରିଛନ୍ତି । ଏହି ନିୟମ ଜାନୁଆରୀ ୨ପର୍ଯ୍ୟନ୍ତ ଲାଗୁ ହେବ । ଏହା ସହ ରାଜ୍ୟକୁ ଆସୁଥିବା ସମସ୍ତ ଅନ୍ତର୍ଜାତୀୟ ଯାତ୍ରୀଙ୍କୁ ଏକ କୋଭିଡ୍-୧୯ର ନେଗେଟିଭ ରିପୋର୍ଟ ନେଇ ଆସିବାକୁ ପଡିବ ବ୍ରିଟେନରୁ ଆସୁଥିବା ସମସ୍ତ ଯାତ୍ରୀଙ୍କୁ ୭୨ଘଣ୍ଟା ମଧ୍ୟରେ କୋଭିଡ-୧୯ଆରଟି-ପିସିଆର ପରୀକ୍ଷା କରିବାକୁ ପଡିବ ବୋଲି ରାଜ୍ୟ ସରକାର କହିଛନ୍ତି । ଅନ୍ତଃରାଜ୍ୟ ଗାଡ଼ି ଚଳାଚଳ ଉପରେ କୌଣସି ପ୍ରତିବନ୍ଧକ ଲଗାନଯିବା ସହ ଜାନୁୟାରୀ ୧ରୁ ଦଶମ ଶ୍ରେଣୀ ଏବଂ ଦ୍ୱାଦଶ ଶ୍ରେଣୀର
ଛାତ୍ରମାନଙ୍କ ପାଇଁ ବିଦ୍ୟାଳୟ ଖୋଲିବ ବୋଲି କର୍ଣ୍ଣାଟକର ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ଭାରତରେ ନୂଆ ଷ୍ଟ୍ରେନ୍ ଦ୍ୱାରା ଆକ୍ରାନ୍ତ କରୋନା ରୋଗୀ ଚିହ୍ନଟ ହେବା ପରେ ବିଭିନ୍ନ ରାଜ୍ୟର ସରକାର ଏ ନେଇ ସତର୍କ ହୋଇଛନ୍ତି ।
