Anupambharat News Bureau
ଭୁବନେଶ୍ୱର, ୨୪ା୧୨(ଅନୁପମ ମିଡ଼ିଆ): ଗୁରୁବାର ରାଜ୍ୟର ୧୧ଟି ସହରରେ ତାପମାତ୍ରା ୧୦ ଡିଗ୍ରୀ ତଳେ ଥିବା ନେଇ ସୂଚନା ମିଳିଛି । ଫୁଲବାଣୀରେ ସବୁଠାରୁ କମ ତାପମାତ୍ରା ୪.୫ ଡିଗ୍ରି ଥିବାର ସୂଚନା ମିଳିଛି । ମିଳିଥିବା ସୂଚନା ଅନୁସାରେ ରାଜ୍ୟର ଅନ୍ୟ ଯେଉଁ ସ୍ଥାନରେ ତାପମାତ୍ରା ୧୦ ଡିଗ୍ରି ତଳେ ରହିଛି, ସଥିମଧ୍ୟରେ ଅନୁଗୁଳରେ ଛ’ ଡିଗ୍ରୀ, ଦାରିଙ୍ଗବାଡିରେ ଆଠ, ଭବାନୀପାଟଣାରେ ୮.୨, କୋରାପୁଟରେ ୮.୬ , ଝାରସୁଗୁଡ଼ାରେ ୮.୮, ସୁନ୍ଦରଗଡ଼ରେ ୯.୫ , କେନ୍ଦୁଝରରେ ୯.୯, ବଲାଙ୍ଗୀରରେ ୯.୫ , ବୌଦ୍ଧରେ ୯.୫ ଏବଂ ସୋନପୁରରେ ୯.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଏହାଛଡ଼ା କଟକରେ ୧୨ ଏବଂ ଭୁବନେଶ୍ୱର ଠାରେ ୧୩.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଭଥିବା ନେଇ ସୂଚନା ମିଳିଛି । ପ୍ରକାଶଥାଉକି ଗତ କିଛି ଦିନ ହେଲା ରାଜ୍ୟରେ ଶୀତ ଲହାରୀ ଜାରି ରହିଛି । ଆଭ୍ୟନ୍ତରଣୀୟ ଅଞ୍ଚଳରେ ମଧ୍ୟ ପ୍ରବଳ ଥଣ୍ଡା ଅନୁଭୂତ ହେବାରେ ଲାଗିଛି । ଆହୁରି କିଛି ଦିନ ଏଭଳି ପାଗ ରାଜ୍ୟରେ ଲାଗି ରହିବ ବୋଲି କୁହାଯାଇଛି । ଚଳିତ ଥର ରାଜ୍ୟରେ ବିଳମ୍ବରେ ଥଣ୍ଡା ଅନୁଭୂତ ହୋଇଥିଲା ।
