Anupambharat News Bureau
ଦିଲ୍ଲୀ ଏନସିଆରରେ ଆଜି ସକାଳେ ଘନ କୁହୁଡି କାରଣରୁ ବଡ ଧରଣର ଦୁର୍ଘଟଣା ଘଟିଛି । କୁହୁଡି ପାଇଁ ଗାଜିଆବାଦରେ ଇଷ୍ଟର୍ଣ୍ଣ ପେରିଫେରାଲ ଏକ୍ସପ୍ରେସେୱରେ ୨୫ଟି ଗାଡି ପରସ୍ପର ସହିତ ମାଡ ହୋଇଯାଇଛି । ଘଟଣାରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ଦୁର୍ଘଟଣା ଭିତରେ ଛୋଟ ଏବଂ ବଡ ଗାଡି ରହିଛି । ପୋଲିସ ଘଟଣାସ୍ଥଳରେ ପହଁଞ୍ଚି ଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । ସୂଚନା ଯେ, ଆଜି ସକାଳେ ଦିଲ୍ଲୀ-ଏନସିଆରରେ ଘନ କୁହୁଡି ଦେଖିବାକୁ ମିଳିଛି । ଏହି କାରଣରୁ ଇଷ୍ଟର୍ଣ୍ଣ ପେରିଫେରାଲ ଏକ୍ସପ୍ରେସେୱରେ ଥିବା ଛୋଟ ଗାଡି ଗୁଡିକ ପରସ୍ପର ସହିତ ମାଡ ହୋଇଯାଇଥିଲା ।
