Anupambharat News Bureau
ବେଙ୍ଗାଲୁରୁ: ଜେଲ୍ରୁ ମୁକୁଳିପାରନ୍ତି ପୂର୍ବତନ ଏଆଇଏଡିଏମକେ ନେତ୍ରୀ ଭି.କେ. ଶଶିକଳା । ଜାନୁଆରୀ ୨୭ ସକାଳେ ସେ ବେଙ୍ଗାଲୁରୁ ସ୍ଥିତ ପାରାପନ୍ନା ଆଗ୍ରାହରା ଜେଲ୍ରୁ ମୁକୁଳିପାରନ୍ତି ବୋଲି ଜଣାପଡ଼ିଛି । ଆୟବର୍ହିଭୁତ ସମ୍ପତି ଅଭିଯୋଗରେ ଶଶିକଳା ୪ ବର୍ଷ ହେଲା ଜେଲ୍ରେ ଅଛନ୍ତି । ଏନେଇ ପାରାପନ୍ନା ଆଗ୍ରାହରା ଜେଲ୍ର ମୁଖ୍ୟ ସୁପରିଟେଣ୍ଡେଣ୍ଟ ଇମେଲ୍ ମାଧ୍ୟମରେ ସୂଚନା ଦେଇଛନ୍ତି ବୋଲି ଶଶିକଳାଙ୍କ କାଉନସେଲ୍ ଏନ. ରାଜା ପାଣ୍ଡିଆନ୍ କହିଛନ୍ତି । ଜେଲ୍ରୁ ମୁକ୍ତ ହେବା ପାଇଁ ଶଶିକଳା ଯୋଗ୍ୟ ହୋଇଥିବା ବେଳେ ୨୭ ଜାନୁଆରୀ ୨୦୨୧ ସକାଳ ସମୟରେ ସେ ଜେଲରୁ ବାହାରି ପାରିବେ ବୋଲି ଇମେଲ୍ ପାଇଛନ୍ତି ପାଣ୍ଡିଆନ୍ । ତେଣୁ ଶଶିକଳା ସେହି ସମୟରେ ଜେଲ୍ରୁ ବାହାରିବେ ବୋଲି ସେ ଆଶା ବ୍ୟକ୍ତ କରିଛନ୍ତି । ୬୪ କୋଟି ଟଙ୍କାର ଆୟବର୍ହିଭୁତ ମାମଲାରେ ୨୦୧୭ ଫେବୃଆରୀରେ ଶଶିକଳା ଦୋଷୀ ସାବ୍ୟସ୍ତ ହୋଇଥିଲେ ।
