Anupambharat News Bureau
ନୂଆଦିଲ୍ଳୀ,୨୩ା୧: ଭାରତୀୟ ରିଜର୍ଭ ବ୍ୟାଙ୍କ୍ (ଆର୍ବିଆଇ) ପକ୍ଷରୁ ପୁରୁଣା ନୋଟକୁ ସମ୍ପୂର୍ଣ୍ଣ ବନ୍ଦ କରିଦେବା ପାଇଁ ଏକ ବଡ଼ ଧରଣର ନିଷ୍ପତ୍ତି କରାଯାଉଥିବା ଜଣାଯାଇଛି । ଦୀର୍ଘବର୍ଷ ଧରି ଚାଲି ଆସୁଥିବା ପୁରୁଣା ୫ ଟଙ୍କିଆ ନୋଟ ୧୦ ଟଙ୍କିଆ ନୋଟ ଏବଂ ୧୦୦ଟଙ୍କିଆ ନୋଟ୍କୁ ଭାରତୀୟ ବଜାରରୁ ସମ୍ପୂର୍ଣ୍ଣ ରୂପେ ପ୍ରତ୍ୟାହାର କରିବା ପାଇଁ ଆର୍ବିଆଇ ଚିନ୍ତା କରୁଛି । ଚଳିତବର୍ଷ ମାର୍ଚ ଓ ଏପ୍ରିଲ୍ ସୁଦ୍ଧା ଏହି ପୁରୁଣା ନୋଟଗୁଡ଼ିକ ସମ୍ପୂର୍ଣ୍ଣ ରୂପେ ଅଚଳ ହୋଇଯିବ । ଏ ସମ୍ପର୍କରେ ଦେଶର ସର୍ବୋଚ୍ଚ ବ୍ୟାଙ୍କ୍ ଆର୍ବିଆଇ ଯୋଜନା ପ୍ରସ୍ତìତି କରୁଛି ।
ଆର୍ବିଆଇର ଆସିଷ୍ଟାଣ୍ଟ୍ ଜେନେରାଲ ମ୍ୟାନେଜର (ଏଜିଏମ୍) ବି ମହେଶ ଜିଲ୍ଲାସ୍ତରୀୟ ସୁରକ୍ଷା କମିଟି ଏବଂ ଜିଲ୍ଲା ସ୍ତରୀୟ ମୁଦ୍ରା ପରିଚାଳନା କମିଟିର ଏକ ବୈଠକରେ ଚଳିତବର୍ଷ ମାର୍ଚ ଓ ଏପ୍ରିଲ୍ ସୁଦ୍ଧା ପୁରୁଣା ୫, ୧୦ ଓ ୧୦୦ ନୋଟକୁ ପ୍ରତ୍ୟାହାର କରାଯିବ ବୋଲି କହିଥିଲେ । ବିମୁଦ୍ରାକରଣ ସମୟରେ ଟଙ୍କାର ଅଭାବକୁ ଦୂର କରିବା ପାଇଁ ଭାରତୀୟ ରିଜର୍ଭ ବ୍ୟାଙ୍କ୍ ୨୦୧୯ ମସିହାରେ ନୂଆ ୫, ୧୦ ଓ ୧୦୦ ଟଙ୍କିଆ ନୋଟର ପ୍ରଚଳନ ଆରମ୍ଭ କରିଥିଲା । କୌଣସି ପ୍ରକାରର ଅସୁବିଧା ନଆସୁ ବୋଲି ଚିନ୍ତା କରି ରିଜର୍ଭ ବ୍ୟାଙ୍କ୍ ପୁରୁଣା ନୋଟକୁ ସ୍ଥାୟୀ ଭାବେ ପ୍ରତ୍ୟାହାର ନିଷ୍ପତ୍ତି ନେବା ପୂର୍ବରୁ ପ୍ରଥମେ ନୂଆ ନୋଟରେ ପ୍ରଚଳନ କରାଇଥିବା ଜାଣିବାକୁ ମିଳିଛି ।
