Anupambharat News Bureau
ଚାରା ଦୁର୍ନୀତି ମାମଲାରେ ଜେଲରେ ସଜ୍ଜା କାଟୁଥିବା ରାଷ୍ଟ୍ରୀୟ ଜନତା ଦଳ(ଆର୍ଜେଡି) ମୁଖ୍ୟ ଲାଲୁ ପ୍ରସାଦ ଯାଦବଙ୍କ ଅବସ୍ଥା ସଙ୍କଟାପନ୍ନ ରହିଛି ତାଙ୍କୁ ରାଞ୍ଚି ରିମ୍ସରୁ ଦିଲ୍ଲୀ ଏମ୍ସକୁ ସ୍ଥାନାନ୍ତରିତ କରାଯାଇଛି । ରିମ୍ସ ମେଡିକାଲ ବୋର୍ଡ ବୈଠକ କରି ଲାଲୁଙ୍କୁ ଦିଲ୍ଲୀ ସ୍ଥାନାନ୍ତରିତ କରିବାକୁ ନିଷ୍ପତ୍ତି ନେଇଥିଲେ । ଲାଲୁଙ୍କ ସ୍ୱାସ୍ଥ୍ୟବସ୍ଥା ଲଗାତାର ବିଗିଡ଼ିବାରେ ଲାଗିଛି । ଲାଲୁଙ୍କୁ ଦିଲ୍ଲୀ ସ୍ଥାନାନ୍ତରିତ କରିବାକୁ ୮ ଜଣିଆ ମେଡିକାଲ ବୋର୍ଡ ଗଠନ କରାଯାଇଥିଲା । ଏହାପରେ ମେଡିକାଲ ବୋର୍ଡ ଲାଲୁଙ୍କୁ ଦିଲ୍ଲୀ ଏମ୍ସ ପଠାଇବାକୁ ନିଷ୍ପତ୍ତି ନେଇଥିଲେ । ଏହି ୮ ଜଣିଆ ବୋର୍ଡରେ ବିଭିନ୍ନ ବିଭାଗର ଡାକ୍ତର ଅଛନ୍ତି । ମେଡିକାଲ ବୋର୍ଡର ସହମତି ପରେ ଚିକିତ୍ସା ପାଇଁ ଲାଲୁଙ୍କୁ ଏମ୍ସ ସ୍ଥାନାନ୍ତରିତ କରାଯିବ । ପତ୍ନୀ ତଥା ବିହାର ପୂର୍ବତନ ମୁଖ୍ୟମନ୍ତ୍ରୀ ରାବଡୀ ଦେବୀ ଶନିବାର ସକାଳୁ ଲାଲୁଙ୍କୁ ଦେଖା କରିବାକୁ ଯାଇଥିଲେ ।
