Anupambharat News Bureau
ପୁରୀ, ୧୮ ।୨ (ଅନୁପମ ମିଡିଆ): ଆସନ୍ତା କାଲି ଅନୁଷ୍ଠିତ ହେବାକୁ ଥିବା ଚନ୍ଦ୍ରଭାଗା ବୁଡ଼ ପାଇଁ ଆଜି ଅପରାହ୍ନରେ ସ୍ଥିତିର ସମୀକ୍ଷା କରିଛନ୍ତି ପୁରୀ ଜିଲ୍ଲା ଆରକ୍ଷୀ ଅଧିକ୍ଷକ (ଏସପି) କେ. ବିଶାଲ ସିଂହ । ୧୪ ପ୍ଲାଟୁନ୍ ପୋଲିସ ଫୋର୍ସ, ୫ ଜଣ ଡିଏସପି, ୬୦ ଜଣ ଅଫିସର ସୁରକ୍ଷା ଦାୟୀତ୍ୱରେ ରହିବେ । ଦୁଇ ଶହ ହୋମଗାର୍ଡ଼ ଓ ୪୦ ଜଣ ଲାଇଫ୍ ଗାର୍ଡ଼ ମଧ୍ୟ କାର୍ଯ୍ୟ କରିବେ ବୋଲି ସେ କହିଛନ୍ତି । ସେହିପରି ପ୍ରଶାସନିକ ନିଷ୍ପତ୍ତି କ୍ରମେ ଆଜି ଦିନ ୧୧ଟା ଠାରୁ ଆସନ୍ତା କାଲି ଅର୍ଥାତ୍ ୧୯ ତାରିଖ ଅପରାହ୍ନ ୧ଟା ପର୍ଯ୍ୟନ୍ତ ଚନ୍ଦ୍ରଭାଗା ମେଳା ପଡ଼ିଆରେ ୧୪୪ ଧାରା ବଳବତ୍ତର ରହିବ । ତେବେ ତିନି ଠାକୁରଙ୍କ ଶୋଭାଯାତ୍ରା, ମହାସ୍ନାନ ଓ ଅନ୍ୟାନ୍ୟ ନୀତିକାନ୍ତି ଜାରି ରହିବ ବୋଲି ପୂର୍ବରୁ ଉପଜିଲ୍ଲାପାଳ ଭବତାରଣ ସାହୁ କହିଛନ୍ତି । କୋଭିଡ-୧୯ କରୋନା ସଂକ୍ରମଣ ରାଜ୍ୟରେ ସମ୍ପୂର୍ଣ୍ଣ ନିୟନ୍ତ୍ରଣକୁ ଆସିନଥିବା ଯୋଗୁଁ ବହୁ ସ୍ଥାନରେ ସାମାଜିକ ଦୂରତାକୁ ପ୍ରାଧାନ୍ୟତା ଦିଆଯାଉଛି ।
