Anupambharat News Bureau
ଭୁବନେଶ୍ୱର, ୧୮ା୨ (ଅନୁପମ ମିଡିଆ): ଆତ୍ମଦାହ ଉଦ୍ୟମ କରିବା କୌଣସି ଅପରାଧଠୁ କମ୍ ନୁହେଁ । ଏହାକୁ ଏକ ଅପରାଧିକ କାର୍ଯ୍ୟ ବୋଲି ବିବେଚନା କରାଯାଇ ସେହି ହିସାବରେ ପୁଲିସ୍ ପଦକ୍ଷେପ ନେବ । ତେଣୁ ଯିଏ ଏପରି ଉଦ୍ୟମ କରିବ ଏବଂ ଯିଏ ଏଥିପାଇଁ ପ୍ରରୋଚନା ଦେବ ସେ ବନ୍ଧା ହେବ ବୋଲି ଚେତାବନୀ ଦେଇଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ । ଭୁବନେଶ୍ୱର ଡିସିପି କହିଛନ୍ତି, ବିଧାନସଭା ସାମ୍ନାରେ ୨ ଦିନରେ ୩ ଜଣଙ୍କ ଆତ୍ମାହୁତି ଉଦ୍ୟମ ଘଟଣାରେ ସଂପୃକ୍ତ ୩ଜଣଙ୍କୁ ଗିରଫ କରାଯାଇଛି । ତେବେ ସେମାନଙ୍କ ପଛରେ କିଛି ଲୋକ ଥିବା ସନ୍ଦେହ କରୁଛୁ । ତାଙ୍କୁ କିଏ ଆଣିଲା, ଫଟୋ ଏବଂ ଭିଡିଓ ସୁଟ୍ କଲା ତଦନ୍ତ କରାଯିବ । ଏଭଳି କରିବା ପାଇଁ ଯିଏ ପ୍ରରୋଚିତ କରିଛି, ତଦନ୍ତ ପରିସରଭୁକ୍ତ ହେବେ । ଡିସିପି କହିଛନ୍ତି, ଏଭଳି କଲେ ମାମଲାର ସମାଧାନ ହୋଇଯିବ ବୋଲି ପ୍ରତିଶ୍ରୁତି ଦେଇଛନ୍ତି । ସେଭଳି ମିଥ୍ୟା ପ୍ରତିଶ୍ରୁତି ଦେଇ ପ୍ରରୋଚନା ଦେଉଥିବା
ଲୋକଙ୍କୁ ଖୋଜାଯିବ । ଆତ୍ମାହୁତି ଉଦ୍ୟମ ଏକ ଅପରାଧିକ କାର୍ଯ୍ୟ । ସେ ହିସାବରେ ପୁଲିସ୍ ଟ୍ରିଟ୍ କରିବ । ବୋତଲ ନେଇ ଢାଳି ହୋଇଗଲେ ତମ କଥା ଶୁଣାଯିବ ବୋଲି ଏମାନଙ୍କୁ ପ୍ରରୋଚନା ଦିଆଯାଉଥିବା ଜଣାପଡ଼ିଛି । ତେଣୁ ଯେଉଁମାନେ କିରୋସିନି ବଟଲ ଧରି ଆତ୍ମାହୁତି ଦେବାକୁ ଆସିଥିଲେ, ସେମାନଙ୍କୁ କିଏ ଆଣିଛି ତାହାର ତଦନ୍ତ କରାଯିବ । ଏଥିସହ କିରୋସିନି ବଟଲ ସହ ଫଟୋସୁଟ କରିବା ନିମନ୍ତେ ତାଙ୍କୁ ପ୍ରରୋଚିତ କରିବା, ସାହାଯ୍ୟ କରିବାରେ ଯେଉଁମାନେ ସମ୍ପୃକ୍ତ ଥିବେ ସେମାନେ ବି ତଦନ୍ତ ପରିସରଭୁକ୍ତ ହେବେ ଓ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଯେକୌଣସି ଅଭିଯୋଗ ଥିଲେ ଉପଯୁକ୍ତ ଅଧିକାରୀଙ୍କ ନିକଟକୁ ଯାଆ;ୁ । ଏହାବ୍ୟତୀତ ଏଠାରେ ବି ଏକ ଗ୍ରିଭାନ୍ସ ସେଲ୍ ଅଛି । ଏଠାରେ ଅଭିଯୋଗ କଲେ ଆବଶ୍ୟକ ବିଭାଗ, ଅଧିକାରୀଙ୍କ ନିକଟକୁ ପଠାଯାଉଛି ବୋଲି ଡିସିପି କହିଛନ୍ତି ।
