Anupambharat News Bureau
ଭୁବନେଶ୍ୱର, ୨୫ା୦୨(ଅନୁପମ ମିଡିଆ): ପ୍ରଦେଶ କଂଗ୍ରେସରେ ଥିବା ଆଭ୍ୟନ୍ତରୀଣ କନ୍ଦଳ ପୁଣି ଥରେ ସାମନାକୁ ଆସିଛି । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଉପସ୍ଥିତିରେ ଦୁଇ ଗୋଷ୍ଠୀ ମଧ୍ୟରେ ବିବାଦ ହୋଇ କଂଗ୍ରେସ କାର୍ଯ୍ୟାଳୟ ରଣକ୍ଷେତ୍ର ପାଲଟିଛି । ଏଠାରେ ଉଲ୍ଲେଖ କରା ଯାଇ ପାରେ ଯେ ଆଜି ପ୍ରଦେଶ କଂଗ୍ରେସର ଓବିସି ସେଲର ସାଧାରଣ ପରିଷଦ ବୈଠକ ଡକା ଯାଇଥିଲା ଏହି କାର୍ଯ୍ୟକ୍ରମରେ ଓବିସି ସେଲର ଅଧ୍ୟକ୍ଷ ବିଷ୍ଣୁ ବାରିକ ପହଞ୍ଚିବା ପରେ ତାଙ୍କୁ ଗୋଟିଏ ଗୋଷ୍ଠୀ ବିରୋଧ କରିଥିଲା । ଏହି ଗୋଷ୍ଠୀ ପକ୍ଷରୁ କୁହା ଯାଇଥିଲା ଯେ ସେ ଦଳ ବିରୋଧୀ କାମ କରୁଛନ୍ତି । ତିର୍ତ୍ତୋଲ ଉପନିର୍ବାଚନରେ ବିଜେଡ଼ି ସହ ହାତ ମିଳାଇଥିବା ଅଭିଯୋଗ କରିଥିଲେ । ଶାସକ ଦଳ ସହ ମିଶି କଂଗ୍ରେସକୁ ହରାଇବାକୁ ଷଡ଼ଯନ୍ତ୍ର ହୋଇଥିବା କହି କଂଗ୍ରେସ ଭବନରେ ଏହି ବିବାଦ ହୋଇଥିଲା । ଗଣ୍ଡଗୋଳ ଉଗ୍ର ରୂପ ନେଇଥିଲା, ଏପରିକି ସାଧାରଣ ପରିଷଦ ବୈଠକ ପାଇଁ ହୋଇଥିବା ମଞ୍ଚକୁ ଅନ୍ୟ ଗୋଷ୍ଠୀ ଭାଙ୍ଗି ଦେଇଥିଲେ ।
