Anupambharat News Bureau
ବ୍ରହ୍ମପୁର,୨୧ ।୫(ଅନୁପମ ମିଡ଼ିଆ) : ମାଧ୍ୟମିକ ଶିକ୍ଷା ପରିଷଦ ତରଫରୁ ପରିଚାଳିତ ମାଟ୍ରିକ ପରୀକ୍ଷା ଫଳ ମଙ୍ଗଳବାର ପ୍ରକାଶ ପାଇଛି ।
ଏହି ଫଳ ଜାଣିବାପାଇଁ ବିଭିନ୍ନ ଇଣ୍ଟରନେଟ୍ ସେଣ୍ଟର ଗୁଡ଼ିକରେ ଛାତ୍ରଛାତ୍ରୀମାନଙ୍କ ଭିଡ଼ ପରିଲକ୍ଷିତ ହୋଇଥିଲା । ସକାଳ ୯ ଟା ସମୟରେ ଇଣ୍ଟରନେଟ ଦ୍ୱାରା ଫଳାଫଳ ଜଣାପଡ଼ିଥିଲା । ଚଳିତ ବର୍ଷ ରାଜ୍ୟରେ ପାସ୍ହାର ୭୦.୭୮ ପ୍ରତିଶତ ରହିଛି । ୮୨ ଟି ସ୍କୁଲରେ ପରୀକ୍ଷା ଫଳ ଶୂନ ହେବା ସହ ଜଣେ ମଧ୍ୟ ପରୀକ୍ଷାର୍ଥୀ ପାସ କରିପାରିନାହାନ୍ତି । ମୋଟ ୩ ଲକ୍ଷ ୯୭ ହଜାର ୧୨୫ ଜଣ ପରୀକ୍ଷାର୍ଥୀ ପାସ କରିଛନ୍ତି । ପୁଅଙ୍କ ତୁଳନାରେ ଝିଅମାନେ ପରୀକ୍ଷାରେ ଭଲ କରିଛନ୍ତି । ସେହପରି ଗଞ୍ଜାମ ଜିଲ୍ଲାରେ ସର୍ବମୋଟ ୪୮ ହଜାର ୩୦୬ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବାବେଳେ ୩୪ ହଜାର ୭୦୩ ଜଣ ଉତ୍ତୀର୍ଣ୍ଣ ହୋଇଥିବାବେଳେ ପାସ୍ହାର ୭୧.୮୫ ରହିଛି ।
