Anupambharat News Bureau
ମାଲକାନଗିରି, ୮ା୫ (ଅନୁପମ ମିଡିଆ): କାଲିମେଳା ବ୍ଲକ ଏମ୍ଭି-୭୯ରେ ବୁଧବାର ଜଣେ ମହିଳାଙ୍କୁ ଅତି ର୍ନିଦୟ ଭାବରେ ଗଳା କାଟି ହତ୍ୟା କରାଯାଇଛି । ଏହି ଲୋମହର୍ଷଣକାରୀ ଘଟଣା ଆଜି ମଧ୍ୟାହ୍ନ ପ୍ରାୟ ୧୨ଟା ବେଳେ ଏମ୍ଭି-୭୯ରେ ବସବାସ କରୁଥିବା ଚିନାମ କରାମି ନାମକ ମହିଳାଙ୍କ ଜୀବନ ଯାଇଛି । ସୂଚନା ଅନୁସାରେ ମହିଳା ଜଣକ ଘରେ ଏକା ଥିବା ବେଳେ କେହି ଦୁର୍ବୁତ୍ତ ଘରେ ପଶି ତାଙ୍କୁ ଗଳା କାଟି ହତ୍ୟା କରିଥିବା ସହ ଘରେ ଥିବା ସୁନା ଓ ଟଙ୍କା ଲୁଟ କରିଥିବା ଜଣାପଡ଼ିଛି । ଚିନାମଙ୍କ ସ୍ୱାମୀ ଆନ୍ଧ୍ରପ୍ରଦେଶରେ ଶ୍ରମିକ ଭାବେ କାମ କରୁଥିଲେ । ସେଥି ପାଇଁ ଚିନାମ ନିଜ ଭଉଣୀଙ୍କ ସହ ଏମ୍ଭି-୭୯ରେ ରହୁଥିଲେ । ଆଜି ତାଙ୍କ ଭଉଣୀ ବଜାରକୁ ଯାଇଥିବା ବେଳେ ଏଭଳି କାଣ୍ଡ ହୋଇଛି । ଭଉଣୀ ବଜାରକୁ ଯିବା ପରେ ଦୁର୍ବୃତ୍ତମାନେ ସୁଯୋଗ ଦେଖି ଘର ଭିତରକୁ ପ୍ରବେଶ କରିଥିଲେ । ଖବର ପାଇ ଏମ୍ଭି-୭୯ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
