Anupambharat News Bureau
ଭିଲବାଡା: ରାଜସ୍ଥାନ ଭିଲବାଡା ଜିଲ୍ଲା ହନୁମାନନଗର ଥାନା ଅଞ୍ଚଳରେ ମଙ୍ଗଳବାର ରାତିରେ ଏକ ଭୟାବହ ଦୁର୍ଘଟଣା ଘଟିଛି । ଗ୍ୟାସ ସିଲିଣ୍ଡର ଭର୍ତ୍ତି ଏକ ଟ୍ରକରେ ହଠାତ ନିଆଁ ଲାଗିଯାଇଥିଲା । ଫଳରେ ଗୋଟିଏ ପରେ ଗୋଟିଏ ସିଲିଣ୍ଡର ବିସ୍ପୋରଣ ହୋଇଥିଲା । ସିଲିଣ୍ଡର ବିସ୍ପୋରଣ ଯୋଗୁଁ ଭୀଷଣ ଶବ୍ଦ ହୋଇଥିଲା ଯାହା ଆଖପାଖ ଅଞ୍ଚଳକୁ ଥରାଇ ଦେଇଥିଲା ।ଶବ୍ଦ ଶୁଣି ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା । ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା । ଭିଲବାଡା ପୋଲିସ ଅଧିକ୍ଷକ ବିକାଶ ଶର୍ମା କହିଛନ୍ତି ଯେ ଜୟପୁରରୁ ୪୦୦ରୁ ଅଧିକ ଘରୋଇ ଗ୍ୟାସ ସିଲିଣ୍ଡର ଭର୍ତ୍ତି ଏକ ଟ୍ରକ ୫୨ ନମ୍ବର ଜାତୀୟ ରାଜପଥ ଦେଇ କୋଟା ଯାଉଥିଲା । ବିଳମ୍ବିତ ରାତିରେ ଟିକଡ଼ ଗାଁ ନିକଟରେ ଏକ ଟର୍ଣ୍ଣିଙ୍ଗରେ ଟ୍ରକ ଡିଭାଇଡର ସହ ଧMା ହୋଇ ଦୁର୍ଘଟଣାଗ୍ରସ୍ତ ହୋଇଥିଲା ।ସେତେବେଳେ ଗାଁରେ ବର୍ଷା ହେଉଥିଲା ଓ ବଜ୍ରପାତ ମଧ୍ୟ ହେଉଥିଲା । ବଜ୍ରପାତ ଯୋଗୁଁ ଟ୍ରକରେ ନିଆଁ ଲାଗିଯାଇଥିଲା । ତେବେ ଟ୍ରକରେ ଦୁଇଟି କାରଣ ଯୋଗୁଁ ନିଆଁ ଲାଗିଥିବା ବୋଲି ସନ୍ଦେହ କରାଯାଉଛି । ସମ୍ଭବତଃ ଦୁର୍ଘଟଣା ଯୋଗୁଁ ନିଆଁ ଲାଗିଥିବ ଅଥବା ବଜ୍ରପାତ ଯୋଗୁଁ ସିଲିଣ୍ଡରରେ ନିଆଁ ଲାଗିଥାଇପାରେ ବୋଲି ପୋଲିସ କହିଛି । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଦୁର୍ଘଟଣାସ୍ଥଳରୁ ଟିକଡ଼ ଗାଁ ମାତ୍ର ୨୦୦ ମିଟର ଦୂରଛ ନିଆଁ ଓ ଧୂଆଁ କିଛି କିଲୋମିଟର ଯାଏଁ ଦୃଶ୍ୟମାନ ଥିଲା । ସିଲିଣ୍ଡରରେ ହୋଇଥିବା ବିସ୍ପୋରଣ ଶବ୍ଦ ମଧ୍ୟ ଅଭୁ ଦୂର ଯାଏଁ ଶୁଭାଯାଉଥିଲା । ରାଜସ୍ଥାନ ଅଞ୍ଚଳରେ ମଙ୍ଗଳବାର ରାତିରେ ଏକ ଭୟାବହ ଦୁର୍ଘଟଣା ଘଟିଛି । ଗ୍ୟାସ ସିଲିଣ୍ଡର ଭର୍ତ୍ତି ଏକ ଟ୍ରକରେ ହଠାତ ନିଆଁ ଲାଗିଯାଇଥିଲା ।
