Anupambharat News Bureau
ଭୁବନେଶ୍ୱର, ୩୦ା୩(ଅନୁପମ ମିଡ଼ିଆ): ରାଜଧାନୀରେ ମୋଟ ୧,୬୪୩ଟି ଆପାର୍ଟମେଣ୍ଟରେ ନକ୍ସା ଅନୁମୋଦିତ ହୋଇଥିବାବେଳେ ମୋଟ ୪୮୭ଟି ଆପାର୍ଟମେଣ୍ଟ ବେଆଇନ୍ ଭାବେ ନିର୍ମିତ ହୋଇଛି । ଏଗୁଡ଼ିକ ମଧ୍ୟରୁ ୧୯୪ଟି ଆପାର୍ଟମେଣ୍ଟକୁ ଭାଙ୍ଗିଦେବା ପାଇଁ ନିର୍ଦ୍ଦେଶ ଦିଆଯାଇଛି ବୋଲି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କର ଏକ ପ୍ରଶ୍ନର ଉତ୍ତରରେ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା
ପ୍ରକାଶ କରିଛନ୍ତି । ମନ୍ତ୍ରୀ ଜେନା କହିଛନ୍ତି ଯେ, ଭୁବନେଶ୍ୱର ସହର ସମେତ ଆଖପାଖ ଗ୍ରାମାଞ୍ଚଳରେ ଏହି ଆପାର୍ଟମେଣ୍ଟ ନିର୍ମାଣ ହୋଇଛି । ୫୭ଟି ଘଟଣାରେ ମାମଲାକୁ ସଂଶୋଧନ ପରେ ବନ୍ଦ କରାଯାଇଛି । ୯୧ଟି ଘଟଣାରେ ମାମଲାର ବିଚାର ଚାଲିଛି । ଅନ୍ୟଗୁଡ଼ିକ ସମ୍ପର୍କରେ ଅଦ୍ୟାବଧି ପଦକ୍ଷେପ ନିଆଯାଇନାହିଁ । ବେଆଇନ ଘୋଷିତ ଆପାର୍ଟମେଣ୍ଟଗୁଡ଼ିକୁ ବିଜୁଳି ଓ ପାଣି କିପରି ଯୋଗାଇ ଦିଆଯାଇଛି ସେ ସମ୍ବନ୍ଧରେ ତଥ୍ୟ ସଂଗ୍ରହ କରାଯାଉଛି ବୋଲି ମନ୍ତ୍ରୀ ଜେନା କହିଛନ୍ତି ।
