Anupambharat News Bureau
ଉତ୍ତରପ୍ରଦେଶର ଇତାୱା ନଗରୀରେ ଆଜି ଏକ ଗଭୀର ଖାତ ମଧ୍ୟକୁ ଟ୍ରକ୍ ଟି ଓଲଟି ପଡିବା ଯୋଗୁଁ ଘଟଣାସ୍ଥଳରେ ହିଁ ୧୦ ଜଣ ବ୍ୟକ୍ତିଙ୍କ ମୃତୁ୍ୟ ଘଟିଛି । ଏହା ବ୍ୟତିତ ୩୦ରୁ ଉର୍ଦ୍ଧ୍ୱ ବ୍ୟକ୍ତି ଗୁରୁତର ଆହତ ହୋଇଥିବା ଘଟଣା ଇତାୱା ନଗରୀରେ ଚାଞ୍ଚଲ୍ୟ ଖେଳାଇ ଦେଇଛି । ଉତ୍ତରପ୍ରଦେଶର ଲାଖନା ଜିଲ୍ଲାରେ ଅନୁଷ୍ଠିତ ହେଉଥିବା ଏକ ଧାର୍ମିକ ସମ୍ମିଳନୀରେ ଯୋଗଦେବା ପାଇଁ ଏକ ଟ୍ରକ୍ରେ ବହୁ ସଂଖ୍ୟାରେ ଯାତ୍ରୀ ଗସ୍ତ କରୁଥିବା ବେଳେ ଟ୍ରକ୍ଟି ନିୟନ୍ତ୍ରଣ ହରାଇ ୨୫ଫୁଟ ଗଭୀର ଖାତ ମଧ୍ୟକୁ ଓଲଟି ପଡିଥିଲା । ସମସ୍ତ ପୀଡିତ ବ୍ୟକ୍ତି ପୁରୁଷ ଥିଲେ । ଦୁର୍ଘଟଣାରେ ଟ୍ରକ୍ ତଳେ କେତେକ ବ୍ୟକ୍ତି ଚାପି ହୋଇ ରହିଥିବା ଅତ୍ୟନ୍ତ ଦୟନୀୟ ସ୍ଥିତି ଦେଖିବାକୁ ମିଳିଛି ।
