Anupambharat News Bureau
କଟକ, ୨ା୪(ଅନୁପମମିଡ଼ିଆ): ହାଇଦର ଏସସିବିରୁ ଫେରାର ହେବା ଘଟଣାରେ ମଙ୍ଗଳାବାଗ ଥାନା ପୋଲିସ ଆଜି କନେଷ୍ଟବଳ ମହମ୍ମଦ ମୈାସିମ(୨୬) ଓ ସମ୍ବଲପୁର ଜେଲ ୱାର୍ଡର ଶିବନାରାୟଣ ନନ୍ଦ(୩୨)କୁ ଗିରଫ କରିଛି । ହାଇଦର ଏସସିବିରେ ଚିକିସିିତ ହେଉଥିବା ସମୟରେ ତା’ ପାଖକୁ ତ ପୁଅ, ପୁତୁରା, ଜ୍ୱାଇଁ ଓ ଅନ୍ୟ ସହଯୋଗୀମାନେ ବାରମ୍ବାର ଆସୁଥିବା ବେଳେ ତାକୁ ଜଗିଥିବା ସୁରକ୍ଷା କର୍ମୀ କର୍ତ୍ତବ୍ୟରେ ଅବହେଳା କରି ଏମାନଙ୍କୁ ପ୍ରୋସିାହନ ଦେବା ଅଭିଯୋଗରେ ପୋଲିସ ଉଭୟଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି । ସୂଚନାଯୋଗ୍ୟ ଯେ, କୁଖ୍ୟାତ ଗ୍ୟାଙ୍ଗଷ୍ଟର ସେକ ହାଇଦର ଅଲ୍ଲୀ ୨ଟି କେସରେ ଦୋଷୀ ସାବ୍ୟସ୍ତ ହୋଇ ସମ୍ବଲପୁର ଜେଲରେ ଆଜୀବନ କାରାବାସ ଭୋଗୁଥିଲା । ତେବେ ଅସୁସ୍ଥ ହେବାରୁ ଏସସିବିକୁ ଗତ ମାର୍ଚ୍ଚ ୨୩ ତାରିଖରେ ଆସିଥିଲା । ଗତ ୧୦ ତାରିଖରେ ସୁରକ୍ଷାକର୍ମୀଙ୍କୁ ନିଶା ଦେଇ ଅଚେତ କରି ସେ ଫେରାର ହୋଇଯାଇଥିଲା । କଟକ ପୋଲିସର ଉପଯୁକ୍ତ ଅନୁସନ୍ଧାନ ଓ କାର୍ଯ୍ୟାନୁଷ୍ଠାନ ଯୋଗୁଁ ତାକୁ ତେଲେଙ୍ଗାନାରୁ ଗିରଫ କରାଯାଇପାରିଥିଲା ।
