Anupambharat News Bureau
ନୂଆଦିଲ୍ଲୀ: ପାକିସ୍ତାନ ପର୍ବତୀୟ ପ୍ରାନ୍ତରେ ଯାଉଥିବା ଏକ ବସ ନଦୀ ଜଳରେ ବୁଡ଼ିଯାଇଛି । ଫଳରେ ୧୭ ଜଣଙ୍କ ମୃତୁ୍ୟ ଘଟିଛି । ଗୋଟିଏ ପରିବାରରୁ ୧୬ ଲୋକଙ୍କ ମୃତୁ୍ୟ ଡ଼ାକରା ଏକାବେଳେ ଆସିଥିଲା । ଖବର ଅନୁସାରେ ଭ୍ୟାନଟି ଚିଲାସ ସହରରୁ ବାହାରି ରାୱଲପିଣ୍ଡି ଅଭିମୁଖେ ଯାତ୍ରା କରୁଥିଲା । କିନ୍ତୁ କୋହିମାସ୍ତାନ ଜିଲ୍ଲାର ପାନିୱା ଅଞ୍ଚଳରେ ଚାଳକ ଜଣକ ନିୟନ୍ତ୍ରଣ ହରାଇ ବସିଥିଲେ । ଯାହାଫଳରେ ଗାଟିଟି ସିନ୍ଧୁ ନଦୀ ଭିତରକୁ ଖସିଯାଇଥିଲା । ଏହି ଭ୍ୟାନଟି ଭଡ଼ାରେ ନେଇଥିଲେ । ଗୋଟିଏ ପରିବାରରୁ ୧୬ ଜଣ ଯାତ୍ରୀ ଏବଂ ଡ଼୍ରାଇଭର ଥିଲେ ।
ନଦୀରେ ଭ୍ୟାନଟି ବୁଡ଼ିବା ଫଳରେ ୧୬ ଜଣଙ୍କ ସମେତ ଡ଼୍ରାଇଭରଙ୍କ ମଧ୍ୟ ମୃତୁ୍ୟ ଘଟିଛି । ୧୬ ଜଣ ଯାତ୍ରୀଙ୍କ ମଧ୍ୟରେ ପୁରୁଷ, ମହିଳା ଏବଂ ଶିଶୁ ମଧ୍ୟ ଥିଲେ ବୋଲି ପୁଲିସ ସୂତ୍ରରୁ ଜଣାପଡ଼ିଛି । ଅନୁସନ୍ଧାନକାରୀ ଦଳ ନିଖୋଜଯାତ୍ରୀଙ୍କୁ ଖୋଜିଥିଲେ ମଧ୍ୟ ଲଗାତର ବର୍ଷା ସାଙ୍ଗକୁ ନଦୀର ଗଭୀରତା ଯୋଗୁଁ ବଫଳ ହୋଇଥିଲେ । ନଦୀରେ ଭ୍ୟାନ୍ ବୁଡ଼ି ୧୭ ମୃତ
