Anupambharat News Bureau
ଯାଜପୁର,୧୮ା୬ (ଅନୁପମ ମିଡିଆ): କୋଭିଡ଼ କଟକଣା ଉଲ୍ଲଂଘନ ଅଭିଯୋଗରେ ସୁକିନ୍ଦା ତହସିଲଦାର ବୁଲୁବୁଲ ବେହେରା ନିଲମ୍ବିତ ହୋଇଛନ୍ତି । ଆଇନ ଉଲ୍ଲଂଘନ କରି ନିଜ ଭାଇ ବାହାଘରରେ ସେ ନାଚଗୀତରେ ମସଗୁଲ ଥିବା ଭିଡ଼ିଓ ଗତ କିଛି ଦିନ ତଳେ ଭାଇରାଲ ହୋଇଥିଲା । ଗତ ମଇ ମାସ ୨୧ତାରିଖ ରାତିରେ ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ଜଗନ୍ନାଥପୁର ଗାଁରେ ନିଜ ଭାଇ ବାହାଘରରେ ବରଯାତ୍ରୀଙ୍କ ସହିତ ନାଗିନ ଗୀତର ନାଚରେ ମସଗୁଲ ଥିଲେ ତହସିଲଦାର ବୁଲବୁଲ ବେହେରା । କରୋନା କାଳରେ ବିବାହରେ ଲୋକଙ୍କ ଉପସ୍ଥିତି ଓ ଶୋଭାଯାତ୍ରାରେ କଟକଣା ରହିଥିବା ବେଳେ ପ୍ରଶାସନିକ ଅଧିକାରୀ ବୁଲବୁଲ ବେହେରା ଏହାର ଉଲ୍ଲଂଘନ କରିଥିବା ଅଭିଯୋଗ ହୋଇଥିଲା । ସୁକିନ୍ଦା ତହସିଲଦାରଙ୍କ ଭାଇଙ୍କ ବିବାହ ଉତ୍ସବରେ ୨୫ରୁ ଅଧିକ ଲୋକ ଯୋଗ ଦେଇଥିଲେ । ବାଜାବାଣ ଫୁଟାଇ ବରଯାତ୍ରୀ ଦଳ ନିୟମ ଭାଙ୍ଗି ଶୋଭାଯାତ୍ରାରେ ଯାଇଥିଲେ । ବିନା ମାସ୍କରେ ସାମାଜିକ ଦୂରତା ଭୁଲି ବରଯାତ୍ରୀଙ୍କ ସହିତ ତହସିଲଦାର ବୁଲବୁଲ ବେହେରା ଡ୍ୟାନ୍ସ କରିବାର ଭିଡ଼ିଓ ଖୁବ୍ ଭାଇରାଲ ହୋଇଥିଲା । ଏହି ଘଟଣାର ତଦନ୍ତ ପରେ ତହସିଲଦାର ବୁଲବୁଲ ବେହେରାଙ୍କୁ ଆଜି ରାଜ୍ୟ ସରକାର ନିଲମ୍ବନ କରିଥିବା ଜଣାପଡିଛି ।
ଆଠଟି ଜିଲ୍ଲାରେ ଅକ୍ସିଜେନ ପ୍ଲାଣ୍ଟ ଉଦ୍ଘାଟିତ : ତୃତୀୟ ଲହରର ମୁକାବିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ରୁହ : ମୁଖ୍ୟମନ୍ତ୍ରୀ
Read More...
