Anupambharat News Bureau
ମୁମ୍ବଇ,୧୭ା୭: ଦେଶର ମୁଦ୍ର ସଂରକ୍ଷଣ ଭଣ୍ଡାର(ଫରେକ୍ସ ରିଜର୍ଭ ରେସିଓ)ରେ ୧.୮୮୩ ବିଲିୟନ ଡଲାର ବୃଦ୍ଧି ସହ ରେକର୍ଡ ସ୍ତର ୬୧୧.୮୯୫ ବିଲିୟନ ଡଲାର ହୋଇଛି । ଜୁନ ୯ରେ ଶେଷ ହୋଇଥିବା ସପ୍ତାହରେ ସ୍ତର ଏହା ଥିବା ବେଳେ ପୂର୍ବ ସପ୍ତାହରେ ୧୦୧୩ ବିଲିୟନ ଡଲାର ବୃଦ୍ଧି ପାଇ ୬୧୦.୦୧୨ ବିଲିୟନ ଡଲାର ରହିଥିଲା । ଫରେନ କରେନ୍ସ ଏସେଟ(ଏଫସିଏ) ବୃଦ୍ଧି ଯୋଗୁଁ ଏହି ବୃଦ୍ଧି ଘଟିଥିବା ରିଜର୍ଭ ବ୍ୟାଙ୍କ ପକ୍ଷରୁ କୁହାଯାଇଛି । ଏହି ସପ୍ତାହରେ ଏଫସିଏ ୧.୨୯୭ ବିଲିୟନ ଡଲାରରୁ ୫୬୮.୨୮୫ ବିଲୟିନ ଡଲାରକୁ ବୃଦ୍ଧି ପାଇଛି । ୟୁରୋ, ପାଉଣ୍ଡ ଓ ୟାନର ମୂଲ୍ୟ ଉତଥାନ ଓ ପତନ ଯୋଗୁଁ ଭାରତୀୟ ମୁଦ୍ର ସ୍ଥିତିରେ ଉନ୍ନତି ଘଟିଛି । ସେହିପରି ସ୍ୱର୍ଣ୍ଣ ସଂରକ୍ଷଣ ୫୮୪ ନିୟୁତ ଡଲାର ବୃଦ୍ଧି ଘଟିବା ପରେ ମୋଟ ପରିମାଣ ୩୬.୯୫୬ ବିଲିୟନ ଡଲାର ହୋଇଛି । ଆନ୍ତର୍ଜାତୀକ ମୁଦ୍ରା ପାଣ୍ଠି(ଆଇଏମଏଫ)ରୁ ସ୍ୱତନ୍ତ୍ର ଫାଣ୍ଠି ଉଠାଇବା ପରିମାଣ ୧.୫୭ ବିଲିୟନ ଡଲାରରେ ସ୍ଥିର ରହିଛି ।
