Anupambharat News Bureau
ଭୁବନେଶ୍ୱର,୨୪ ।୫(ଅନୁପମ ମିଡିଆ):ରାଜ୍ୟରେ କଂଗ୍ରେସର ଶୋଚନୀୟ ପରାଜୟ ପରେ ଶୁକ୍ରବାର ପିସିସି ସଭାପତି ପଦରୁ ଇସ୍ତଫା ଦେଇଛନ୍ତି ନିରଞ୍ଜନ ପଟ୍ଟନାୟକ । ସାମ୍ବାଦିକ ସମ୍ମିଳନୀରେ ସେ ଏନେଇ ଆଜି ଘୋଷଣା କରିଛନ୍ତି । ସେ ନିଜଇସ୍ତଫା ପତ୍ର ଏଆଇସିସି ଅଧ୍ୟକ୍ଷଙ୍କ ନିକଟକୁ ପଠାଇଛନ୍ତି । ଚଳିତ ନିର୍ବାଚନରେ ଦଳର ଯେଉଁ ବିପର୍ଯ୍ୟୟ ହେଲା ସେଥିପାଇଁ ନୈତିକତା ଦୃଷ୍ଟିରୁ ମୁଁ ଇସ୍ତଫା ଦେଇଛି । ତେବେ ମୁଁ ଦଳରେ ରହିଛି , ରହିବି ଓ ଆଗାମୀ ଦିନରେ ଦଳକୁ ମଜବୁତ୍ କରିବାକୁ ଚେଷ୍ଟା କରିବି । ସାରା ଦେଶରେ ମୋଦି ବାତ୍ୟାପ୍ରବାହିତ ହେଲା,ସେଥିରେ ଆମେ ଟଳି ପଡ଼ିଲୁ । ରାଜ୍ୟରେ ନବୀନ, ଦେଶରେ ମୋଦିଙ୍କୁ ଲୋକେ ଭରସା କଲେ । ରାଜନୀତିରେ ନୀତି, ଆଦର୍ଶ ନାହିଁ । ରାଜନୀତିର ବ୍ୟବସାୟୀକରଣ ହୋଇଛି । ସୂଚନାଯୋଗ୍ୟ ଯେ ଚଳିତ ସାଧାରଣ ନିର୍ବାଚନରେ ନିରଞ୍ଜନ ୨ଟି ଆସନ ଭଣ୍ଡାରୀ ପୋଖରୀ ଓ ଘଷିପୁରାରୁ ନିର୍ବାଚନ ଲଢିଥିଲେ ଏବଂ ଉଭୟରେ ପରାଜିତ ହୋଇଛନ୍ତି ।
